Boost Post នៅលើហ្វេសប៊ុកពីមុនអាងលើកំណត់ Detail Targeting (កំណត់គោលដៅអតិថិជន) តែបច្ចុប្បន្ននេះ ទោះបីអ្នករៀនក្បាច់ Boost ពីគ្រូតាណាក៏ដោយ ឲ្យតែនៅប្រកាន់គោលការណ៍អាងក្បាច់ប៊ូសនេះ ក្បាច់ប៊ូសនោះ ច្បាស់ណាស់លទ្ធផលស្មើសូន្យ ព្រោះថាហ្វេសប៊ុកបានដូរ ១ ចំណុចធំ ។
Social Media > Recommend Media
Facebook Ads បានផ្លាស់ប្តូរ ២ ដំណាក់រួចមកហើយ ៖
ដំណាក់កាលទី ១ ៖ Facebook Ads បានផ្លាស់ប្តូរពីការកំណត់ Detail Targeting ដើម្បីរកមនុស្សគោលដៅមកជា Advantage+ Audience ដែលប្រើ AI រកអតិថិជនដោយស្វ័យប្រវត្តិទៅតាមទិន្នន័យដែល AI សិក្សាជាក់ស្តែង!
ក្នុងដំណាក់ទី ១ នេះ Facebook បានរក្សាមុខងារ Switch to orignal audience ដើម្បីឲ្យអ្នក Boost Post ប្រើ Version ចាស់របស់ Ads Manager ដើម្បីកំណត់ Target Audience ជាក់លាក់តាមការចង់បាន ។
ដំណាក់ទី ២ ៖ Advantage+ Audience បច្ចុប្បន្នបានប្រើ AI ទាំងស្រុងដើម្បីរកអតិថិជនគោលដៅដែលចាប់អារម្មណ៍ពាណិជ្ជកម្មរបស់អ្នក ។ មុខងារ Switch to orignal audience ត្រូវបានដកចោល ខណៈដែលអ្នកអាចអាចត្រឹមតែកំណត់ Audience Suggestion ប៉ុណ្ណោះ ។
ការកែទម្រង់បែបនេះមានន័យថាម៉េច?
ទោះបីជាអ្នកប្រើមុខងារ Audience Suggestion ដើម្បីកំណត់អតិថិជនគោលដៅក៏ដោយ មិនប្រាកដថា ពាណិជ្ជកម្មរបស់អ្នករុញត្រូវអតិថិជនគោលដៅនោះទេ ។
នេះជារូបមន្តដែលធ្វើឲ្យ AI របស់ Facebook រុញពាណិជ្ជកម្មត្រូវគោលដៅ ឬក៏អាចខុសគោលដៅទាំងស្រុង ខាតលុយអត់ប្រយោជន៍ ៖
Advertiser Bids X (Estimate Action Rate + Ad Quality)
ទឹកលុយប៊ូស X (អត្រាអ្នកចាប់អារម្មណ៍ + គុណភាពមាតិកា)
*ទឹកលុយប៊ូស អត់សំខាន់ដូចមុនទៀតទេ តិចច្រើនក៏បាន
=> Estimate Action Rate ជារឿងសំខាន់ => Facebook Ads System វាយតម្លៃថាគេចាប់អារម្មណ៍ពាណិជ្ជកម្មអ្នកឬអត់ តាមរយៈការចុចលើពាណិជ្ជកម្មនៅលើ News Feed ថាតើមានអ្នកចុចមើលរូបភាពឬវីដេអូច្រើនឬអត់? មាន Engagement ច្រើនឬអត់?
=> គុណមាតិកា ជារឿងដែលសំខាន់ខ្លាំងជាងគេ => Facebook Ads System នឹងសិក្សាលើ Caption, ពាក្យពេជន៍ក្នុងវីដេអូ និងអត្ថន័យជារួម បន្ទាប់មករុញពាណិជ្ជកម្មទៅឲ្យមនុស្សណាដែល AI មើលឃើញថា ធ្លាប់ធ្វើសកម្មភាពផ្សេងៗលើហ្វេសប៊ុក ដែលអាចនឹងចាប់អារម្មណ៍ពាណិជ្ជកម្មអ្នក ។
បញ្ហានៅត្រង់នេះ ៖ ប្រសិនបើ AI យល់ខុសពីមាតិការបស់អ្នក បន្ទាប់មករុញពាណិជ្ជកម្មទៅមនុស្សមួយក្រុមដំបូងដែលខុសគោលដៅ ចៃដន្យអីមនុស្សដែលខុសគោលដៅនោះ នាំគ្នាចុចមើលមាតិកាអ្នក (Action Rate) នាំឲ្យ AI គិតថា មនុស្សទាំងនោះចាប់អារម្មណ៍ពាណិជ្ជកម្មអ្នក តែការពិតខុសទាំងស្រុង ។
នេះជាអ្វីដែលអ្នកគួរធ្វើ!
ទោះបីអ្នកខំកំណត់ Audience Suggestion យ៉ាងណាក៏ដោយ ប្រសិនបើ AI យល់ខុសពីមាតិកាអ្នក នោះវានឹងរុញពាណិជ្ជកម្មទៅខុសមនុស្ស ។
ប្រសិនបើអ្នក Boost Post អត់ចំគោលដៅ អ្នកគួរកែ ៣ ចំណុចនេះសិន ៖
1/ កែ Caption ចេញសិន (សរសេរឲ្យត្រូវតាមអតិថិជនគោលដៅ)
2/ កែ Hook ក្នុងវីដេអូ (៣-១០ វិនាទីដំបូង ឲ្យត្រូវគោលដៅអតិថិជនដែលអ្នកចង់បាន)
3/ កែខ្លឹមសារក្នុងមាតិកាទាំងមូលតែម្តង
ចំពោះការបកស្រាយលម្អិតយើងនឹងមានវីដេអូពេញ ឆាប់ៗនេះដែលពន្យល់ស៊ីជម្រៅលើ Algorithm ថ្មី និងយុទ្ធសាស្ត្រក្នុង Boost ថ្មី ។
ចំពោះវគ្គសិក្សាថ្មីសម្រាប់ឆ្នាំ ២០២៦ របស់យើង ក៏ត្រៀមចេញឆាប់ៗនេះដែរ ដោយកែទម្រង់មេរៀនទាំងស្រុង (Re-Master) ដោយបន្ថយពីបច្ចេកទេស Boost បែប Old School ដូចមុន មកជាយុទ្ធសាស្ត្រថ្មីតម្រូវតាម Algorithm, យើងនឹងបន្ថែមយុទ្ធសាស្ត្រក្នុងការផលិតមាតិកា និងមេរៀនថ្មីស្រឡាងមួយទៀតគឺ Personal Branding សម្រាប់ម្ចាស់អាជីវកម្ម ។
