បើថៃនៅតែបន្តធ្វើសង្ក្រាមឈ្លានពានកម្ពុជា ច្បាស់ណាស់ អាជីវកម្មដែលពឹងផ្អែកលើអនឡាញនឹងត្រូវជួបបញ្ហា ដោយសារព័ត៌មានពីបញ្ហាថៃឈ្លានពានខ្មែរនឹងលោតឡើងពេញ News Feed ខណៈដែលការចាយលុយ Boost Post ក៏មិនសូវមានប្រសិទ្ធភាពដែរ ដោយសារអ្នកប្រើបណ្តាញសង្គមផ្តោតអារម្មណ៍លើបញ្ហាសង្ក្រាមច្រើនជាងអ្វីផ្សេងៗ ។

“រឿងជាតិត្រូវជួយ រឿងសេដ្ឋកិច្ចក៏ត្រូវគិត” 

អ្វីដែលម្ចាស់អាជីវកម្មអាចធ្វើបានពេលនេះ គឺ 50/50 ដៃម្ខាងជួយជាតិ ដៃម្ខាងជួយអាជីវកម្ម ។

គ្រប់បណ្តាញសង្គមទាំងអស់ ជាធម្មតា គេតែងតែរុញមាតិកាទៅតាមនិន្នាការឬតាមចំណាប់អារម្មណ៍ដែលមនុស្សចាប់អារម្មណ៍ អញ្ចឹងហើយការដែលខំផុសលក់សុទ្ធសាធនៅពេលនេះច្បាស់ជាពិបាកបន្តិចសម្រាប់អាជីវកម្មដែលមានទំនិញច្រើនមុខ ដោយហេតុថា ផុសផង ប៊ូសផង ក៏ពិបាកដែរ ដោយសារមនុស្សអត់ចាប់អារម្មណ៍ ឃើញពាណិជ្ចកម្មគឺអូសចោលតែម្តង ។

50% > ម្ចាស់អាជីវកម្មគួរតែផលិតមាតិកានិយាយពីរឿង ២ ប្រភេទ ៖

• មាតិកាដែលពាក់ព័ន្ធនឹងស្ថានភាពជាក់ស្តែងពីបញ្ហាសង្រ្កាម, ចែករំលែកព័ត៌មានពិត, និយាយលើកទឹកចិត្តវិរៈកងទ័ពខ្មែរ, និងមាតិកាណាដែលជួយដល់ប្រទេសជាតិ ដូចជាធ្វើព័ត៌មានជាភាសាអង់គ្លេស (ប្រសិនបើអាច) ដើម្បីបង្កើនសម្លេងកម្ពុជាលើឆាកអន្តរជាតិ
• មាតិកាបែបផ្តល់គុណតម្លៃដល់អ្នកមើល (Add Value) ដែលជួយនិយាយពី រឿងមានប្រយោជន៍ ចំណេះដឹងទូទៅ បញ្ហានិងដំណោះស្រាយផ្សេងៗ ជាជាងលក់សុទ្ធសាធ ដើម្បីទាញចំណាប់អារម្មណ៍អតិថិជនគោលដៅ និងបង្កើត Loyal Fan ឲ្យតាមដានយើង

????Pro Tips: លក់ផលិតឬសេវាកម្មក្នុងវិស័យណា គួរផលិតផលមាតិកាដែលផ្តល់គុណតម្លៃដល់អ្នកមើល ក្នុងវិស័យនោះ ។

ឧទាហរណ៍ ៖​ លក់ទូរស័ព្ទ គួរផលិតមាតិកាបែបប្រៀបធៀបម៉ូឌែលទូរស័ព្ទ ឬ Review ។ លក់ Cosmetic គួរធ្វើមាតិកាពីរបៀប Make Up ។ លក់សម្លៀកបំពាក់ គួរធ្វើមាតិកាពីការរៀបចំខ្លួនឲ្យទាក់ទាញ ។

50% > ម្ចាស់អាជីវកម្មអាចធ្វើមាតិកាទាក់ទងនឹងការធ្វើទីផ្សារ ប្រូម៉ូសិន ផ្សាយលក់ផលិតផលឬសេវាកម្ម ។

????Pro Tips: ចំពោះការផលិតមាតិកាដើម្បីធ្វើទីផ្សារឬលក់នាពេលបច្ចុប្បន្ននេះ ម្ចាស់អាជីវកម្មគួរបន្ថយលុយ Boost Sale បន្តិច មក Boost Engagement ឲ្យបានច្រើន ដើម្បីជួយរុញពាណិជ្ជកម្មនៅលើ New Feeds របស់ហ្វេសប៊ុក ព្រោះថា ពេលនេះអូសហ្វេសប៊ុកមកគឺឃើញព័ត៌មានសង្ក្រាមច្រើនជាង ។

“Content is KING”

ចំពោះបច្ចេកទេសប៊ូស នាពេលបច្ចុប្បន្ននេះ មិនស្មុគស្មាញលើបច្ចេកទេសដូចមុនទេ តែម្ចាស់អាជីវកម្មត្រូវផ្តោតលើការផលិតមាតិកា និងរៀបយុទ្ធសាស្ត្រធ្វើតេស្តមាតិកានៅលើ Facebook Ads ឬ TikTok Ads ព្រោះថាសម័យកាលណាក៏ដោយ ឲ្យតែមានមាតិកាទាក់ទាញ មានន័យថាការធ្វើទីផ្សារគឺជោគជ័យ ៥០% រួចជាស្រេច ។

ក្នុងនោះដែរ សម្រាប់ម្ចាស់អាជីវកម្មដែលរងចាំវគ្គសិក្សាថ្មី ២០២៦ ចំពោះជំនាញទាក់ទងនឹងយុទ្ធសាស្ត្រ Content Marketing, Personal Branding រួមជាមួយបច្ចេកទេស Boost នឹងចេញនៅក្នុងពេលឆាប់ៗនេះ បន្ទាប់ពី Admin មានពេលដកឃ្លាពីការងារជួយប្រទេសជាតិ ។