ចាយលុយប៊ូសផុសលើហ្វេសប៊ុកក៏ដោយ តីកតុកក៏ដោយ កុំវាយតម្លៃលទ្ធផលការផ្សាយពាណិជ្ជកម្មរបស់អ្នកដោយគ្រាន់តែមើលលើ Cost Per Result (តម្លៃមធ្យមលើការប៊ូសផុស) ព្រោះថាប៊ូសស៊ីថ្លៃ មិនប្រាកដថាខាត ប៊ូសស៊ីថោកក៏មិនប្រាកដថាចំណេញដែរ ។
អញ្ចឹង យើងត្រូវគណនាលទ្ធផលពីការប៊ូសផុសយ៉ាងម៉េច បានដឹងថា ចាយលុយផ្សាយពាណិជ្ជកម្មលើហ្វេសប៊ុក និងតីកតុកចំណេញ?
Admin Think eMarketing ចង់ណែនាំវិធីគណនាបែបងាយៗ បែបម្ចាស់អាជីវកម្ម (តែអ្នកទីផ្សារអាជីព គេគណនាបែបផ្សេង លម្អិត ឈឺក្បាលបន្តិច) ។
យើងត្រូវរកឲ្យឃើញពី ROAS ដែលមកពីពាក្យពេញថា Return on Ad Spend ។
ROAS (%) = (Total Revenue / Total Ad Spend) X 100
ROAS = (Total Revenue / Total Ad Spend)
លទ្ធផលពីការផ្សព្វផ្សាយ = (ចំណូលសរុបពីការលក់សរុប / ចំណាយលើការផ្សព្វផ្សាយ) X 100
ឧទាហរណ៍ថា អ្នកចាយលុយប៊ូសអស់ $500 និង ទទួលបានចំណូលពីការលក់មកវិញ $2000
ROAS (%) = (2000 / 500) X100 = 400%
ROAS = (2000 / 500) = 4
*គួរបញ្ជាក់ថា ចំណាយលើការផ្សាព្វផ្សាយ ត្រូវបូកសរុបទាំង ចំណាយប៊ូសយក View + Engagment + Message (ប្រសិនបើអ្នកប៊ូសផុសលើហ្វេសប៊ុក) មិនមែនរាប់តែចំណាយលើ Message មួយមុខទេ ។
នេះជាលទ្ធផលបឋមពីការចំណាយលើប៊ូសផុស ធៀបជាមួយចំណូលពីការលក់ ប្រសិនបើទទួលបានខ្ពស់ មានន័យថា ការចំណាយប៊ូសផុសទទួលបានលទ្ធផលល្អ តែមិនប្រាកដថាអាជីវកម្មអ្នកទទួលផលចំណេញច្រើនទេ កុំទាន់អាលអរ ។
*ចំពោះអាជីវកម្មទូទៅ គេវាយតម្លៃយក ROAS >3 ឬ 300% បញ្ជាក់ថា ការចំណាយលើការផ្សព្វផ្សាយរបស់អ្នកល្អ ចំណាយមានប្រសិទ្ធ រកលុយចំណេញបានមួយចំនួន ។
**ចំពោះអាជីវក្មទូទៅ ដែលទទួលបាន ROAS > 4-7 ឬ 400% – 700% បញ្ជាក់ថា អ្នកចាយលុយផ្សាយពាណិជ្ជកម្មអស់តិច អាចរកលុយចំណេញចូលអាជីវកម្មបានច្រើន ។
ប្រសិនបើអ្នកចង់គណនាលើប្រាក់ចំណេញសុទ្ធ (Net Profit) អ្នកត្រូវដកការចំណាយគ្រប់យ៉ាង ទាំងថ្លៃដើមទំនិញ ថ្លៃវេចខ្ចប់ ថ្លៃដឹកជញ្ជួន ថ្លៃធានារ៉ាប់រ៉ងលើទំនិញ ថ្លៃជួលឃ្លាំងឬទីតាំង ទឹកភ្លើង អីនធឺណេត និងចំណាយផ្សេងៗទៀត ។
Net Profit = Gross Profit – Operation Expenses
ចំណេញសុទ្ធ = ចំណេញដុល – ចំណាយលើប្រតិបត្តការ (រាប់បញ្ចូលទាំងចំណាយលើទីផ្សារ និងការផ្សាយពាណិជ្ជកម្មផងដែរ)
Gross Profit = Total Revenue – Cost of Good Solds
ចំណេញដុល = ចំណូលពីការលក់សរុប – ថ្លៃដើមផលិតផល/សេវាកម្ម (វត្ថុធាតុដើម ថ្លៃផលិត កម្លាំងពលកម្ម …)
នេះ គ្រាន់តែជាវិធីគណនាមូលដ្ឋាន ងាយៗ សម្រាប់ម្ចាស់អាជីវកម្មខ្នាតតូចប៉ុណ្ណោះ ប្រសិនបើក្រុមហ៊ុនធំ គេមានវិធីគណនាលម្អិតជាងនេះ (ហើយ Admin ចង់និយាយថា Admin ក៏អត់ចេះដែរ LOL) ។
