នេះជាមុខងារ AI ធំៗ ៣ ដែលជួយឲ្យការប៊ូសផុសដើរល្អ ហើយចំណេញទ្វេដង តែអ្នកប៊ូសផុសភាគច្រើន អត់បានចាប់អារម្មណ៍ទេ ដឹងតែជះលុយប៊ូស អ្នកខ្លះក៏ចេះតែប្រើទាំងខុសបច្ចេកទេសអញ្ចឹងទៅ ។
នៅក្នុងចំណោមមុខងារ AI លើសពី ១០ ខ្ញុំលើកយកតែមុខងារ ៣ ទេ ដែលចាំបាច់សម្រាប់ការប៊ូសផុសនៅស្រុកខ្មែររាល់ថ្ងៃ មានរបស់ចាស់ ១ របស់ថ្មី ២ ។
1- Advantage+ Budget Optimization
Advantage+ Budget Optimization ជាឈ្មោះថ្មី ឈ្មោះចាស់គេហៅថា Campaign Budget Optimization ដែលវាជាមុខងារ AI មួយជួយបែងចែកលុយអូតូទៅកាន់ Ad Set ណាដែលដើរល្អ ត្រូវចំអតិថិជនគោលដៅ ។ អញ្ចឹងអត្ថប្រយោជន៍ ធំរបស់វា គឺជួយសន្សំលុយ ដកលុយពី Ad Set ដែលអត់ប្រយោជន៍ យកលុយមកចាយលើ Ad Set ដែលដើរល្អ ។
តែឈប់សិន ស្អីគេជា Ad Set? វាជាកន្លែងដែលយើងកំណត់ធំជាងគេលើអតិថិជនគោលដៅដែលយើងចង់បាន រួមជាមួយនឹង គោលបំណងពាណិជ្ជកម្មដែលយើងចង់ប៊ូស (Ad Object) រយៈពេលដែលយើងចង់ប៊ូស កន្លែងយើងចង់ឲ្យពាណិជ្ជកម្មបង្ហាញទៅអតិថិជនគោលដៅជាដើម ។
ឧទាហរណ៍: ខ្ញុំបង្កើត Campaign មួយ មានលុយ $100 ហើយខ្ញុំបង្កើត Ad Set ២ ។ Ad Set ទី១ ប៊ូសសម្រាប់តែអ្នកភ្នំពេញទេ Ad Set ទី២ ប៊ូស ១ ស្រុកខ្មែរហ្មង តែដកភ្នំពេញចេញ ។ ការប៊ូសផុសខ្ញុំចំណាយពេល ១០ ថ្ងៃ សម្រាប់លុយ $100 នេះ ។
អញ្ចឹងពេលប៊ូសបាន ២-៣ ថ្ងៃ បើ AI វារកឃើញថា ការប៊ូសផុសសម្រាប់ អ្នកនៅខេត្តដើរល្អជាង មានអ្នក Comment លើផុសច្រើនជាង អញ្ចឹង លុយមួយចំនួនធំនឹងដកយកមកចាយនៅ Ad Set ទី ២ ចំណែក Ad Set ទី ១ AI វាឲ្យលុយចាយតិចតូចប៉ុណ្ណោះ ។
អញ្ចឹងយើងអត់ចាំបាច់ហត់ត្រូវអង្គុយតេស្ត Audience ម្តងមួយ នាំតែខាតពេល ខាតលុយ ។
2. Advantage+ Audience
នេះជាមុខងារ AI ពេញនិយមដែលកំពុងមានមនុស្សជាច្រើនប្រើវាទាំងអត់ដឹងខ្លួន ហើយប្រើទាំងខុស ទទឹងទិសក៏មានដែរ ។
Advantage+ Audience ជាមុខងារមួយដែលជួយរុញពាណិជ្ជកម្មយើងអូតូទៅកាន់អតិថិជនគោលដៅ តែមិនប្រាកដថា រុញទៅដឹងតែត្រូវចំគោលដៅទេ ។ ដោយសារតែ គ្នាយើងឮគេនិយាយថា អាហ្នឹងវាជួយរកម៉ូយឲ្យយើងអូតូ អញ្ចឹងហើយ បានជាអ្នកខ្លះគាត់ជិះសេះប្រលែងដៃ ប៊ូសលែងដាក់ Detail Targeting ។
ការប្រើមុខងារ Advantage+ Audience នេះវាល្អទៅតាមលក្ខខណ្ឌ ពាណិជ្ជកម្មយើងដែរ មិនមែនចេះតែដើរល្អរហូតទេ ។ ជាតិចនិកងាយៗ ចែកជូនគ្នាយើង Admin ចង់ឲ្យប្រើ Advantage+ Audience ដោយបន្ថែមជាមួយមុខងារ Audience Suggestion ដើម្បីអាចដាក់ Detail Targeting ទៅតាមអតិថិជនគោលដៅដែលយើងចង់បាន ។
3. AI Recommendation
នេះជាមុខងារ AI មួយដែល ជួយឆែកមើល Ad របស់យើង ថាតើគួរតែបន្ថែមបន្ថយអ្វីដើម្បីឲ្យដើរល្អ មានគេឃើញច្រើន ហើយស៊ីលុយតិច តែមិនមែនមានន័យថា យើងត្រូវតែធ្វើតាម AI ប្រាប់យើងរហូតទេ ព្រោះពេលខ្លះ អ្វីដែល AI ប្រាប់យើង វាអត់ត្រូវតាមគោលដៅដែលយើងចង់បានទេ ។
AI Recommendation វាណែនាំភាគច្រើន ទៅលើការកែតម្រូវ Targeting ដូចជាការប៊ូសផុសច្រើន Ad Set ហើយយើង ប៊ូសជាន់មនុស្សដដែលៗ វានឹងជួយកាត់ Audience ដែលជាន់គ្នាចេញ ឬមួយយើងកំណត់អតិថិជនគោលដៅជាន់គ្នា អញ្ចឹងវាណែនាំឲ្យយើង យក Audience ជាន់គ្នា ទៅបញ្ចូលគ្នាតែមួយ កុំឲ្យជាន់គ្នា ២ ដង ។
វាជួយណែនាំឲ្យយើងប្រើមុខងារ Advantage+ Placement ដើម្បីឲ្យពាណិជ្ជកម្មស៊ីលុយតិច, វាណែនាំឲ្យយើងប្រើមុងងារ Advantage+ Audience ដើម្បីមានអ្នកឃើញ Ad ច្រើន ។
នៅពេល AI វាមានអ្វីចង់ណែនាំយើង វានឹងចេញសញ្ញាពណ៌បៃតង ជាមួយនឹងពាក្យថា “Recommendation” អញ្ចឹងយើងចង់ធ្វើតាមការណែនាំ យើងគ្រាន់តែចុច Publish ទៅ វានឹងកែ Ad យើងអូតូ តែបើយើងអត់ចង់កែអីទេ ចុច Cancel ទៅ ។
ជាថ្មីម្តងទៀត មិនមែនត្រូវធ្វើតាមវាទាំងអស់ទេ មានតែយើងទេ ដែលដឹងច្បាស់ថា ខ្លួនឯងចង់ប៊ូសរបៀបម៉េច មានគោលដៅយ៉ាងណា ។
Admin នឹងមានវីដេអូ បកស្រាយលម្អិត ជាមួយនឹងគម្រូលើការប្រើប្រាស់ជាក់ស្តែងដើម្បីឲ្យកាន់តែច្បាស់ ។
