អាជីវកម្មមួយចំនួនធំ ដែលបានចំណាយលុយលើហ្វេសប៊ុក និងតីកតុកដើម្បីប៊ូសផុសឲ្យគេស្គាល់ផលិតផល សេវាកម្ម ឬអាជីវកម្មកាន់តែច្រើន ក៏ប៉ុន្តែម្ចាស់អាជីវកម្ម (មិនរាប់បញ្ចូលអ្នកលក់អីវ៉ាន់អនឡាញតិចតួចទេ) មានបានចាប់អារម្មណ៍អត់ បើមានលុយជះឲ្យហ្វេសប៊ុកនិងតីកតុក ហេតុអ្វីក៏មិនចាយលុយលើ Content Marketing?
អ្វីជា Content Marketing?
បើបកប្រែឲ្យត្រង់មកជាខេមរភាសា យើងហៅថា ទីផ្សារមាតិកា តែបើនិយាយឲ្យស្រួលស្តាប់ មានន័យថា ការផលិតមាតិកា (ជាអត្ថបទ រូបភាព វីដេអូ) ដើម្បីជម្រុញការធ្វើទីផ្សារ ទាញអតិថិជនគោលដៅឲ្យស្គាល់អាជីវម្មអ្នកកាន់តែច្រើន ។
ខ្ញុំទើបតែបានអាន របាយការណ៍មួយពី វិទ្យាស្ថាន Content Marketing Institute ដែលបានស្រាវជ្រាវឃើញថា ៧០% នៃអតិថិជន ដែលចង់ស្វែងយល់ពីផលិតផលអ្វីមួយ ពួកគេសុខចិត្តអង្គុយអានអត្ថបទ ជាជាងមើលពាណិជ្ជកម្មពីផលិតផលនោះ ។
ឧទាហរណ៍ជាក់ស្តែង ៖ បើអ្នកចង់ទិញស្មាតហ្វូនថ្មី ចង់ដឹងពីព័ត៌មានរបស់ស្មាតហ្វូននោះ តើអ្នកទៅមើលគេ Review ឬទៅមើលពាណិជ្ជកម្មផ្សាយពីស្មាតហ្វូននោះ? ចម្លើយមានក្នុងចិត្តរបស់អ្នក ។
របាយការណ៍ដដែលបានបញ្ជាក់ថា ៤៤% នៃអតិថិជនដែលចង់ទិញផលិតផល តែងតែចូលមើលមាតិកា ជាអត្ថបទ ឬវីដេអូ ៣-៥ មាតិកា មុនសម្រេចចិត្តទិញ ។
Alex Hamozi ម្ចាស់ក្រុមហ៊ុនតម្លៃរយលាយដុល្លារ Aqquisition.com បានចំណាយលុយ ៧ ម៉ឺនដុល្លាររៀងរាល់ខែ ដើម្បីផលិតមាតិកា វែង ខ្លី ដាក់ YouTube ដែលមានអ្នក Subscribe 2.6M (មាន Admin ម្នាក់ដែរ) ។
គាត់បានលើកឡើងថា គាត់ចាយលុយ ៧ ម៉ឺនដុល្លារឲ្យ Video Editor ប្រចាំខែ តែលទ្ធផលមកវិញ ស្មើចាយលុយប៊ូសផុស ២ លានដុល្លារ ដើម្បីទាញអតិថិជនគោលដៅ (Lead) ។
តើ Content Marketing ស្មុគស្មាញមែនទេ បានជាម្ចាស់អាជីវកម្មនៅកម្ពុជាមិនសូវចាប់អារម្មណ៍?
ការពិតទៅ ការផលិតមាតិកាដើម្បីផ្សព្វផ្សាយ វាមិនពិបាកណាស់ណាទេ គ្រាន់តែវាទាមទារពេលវេលាយូរដើម្បីទាញអតិថិជនគោលដៅ ជាពិសេសគឺត្រូវការគំនិតក្នុងផលិតមាតិកា ។
ប្រសិនបើអ្នកលក់ តុទូរ សម្រាប់ដេគ័រក្នុងបន្ទប់ដេក អ្នកអាចទាក់ទាញអតិថិជនគោលដៅតាម ២ ផ្លូវ ៖
- ថតរូប/វីដេអូនិយាយពីតុទូរ មានម៉ូដអីខ្លះ តម្លៃប៉ុន្មាន – ផុសចូលផេក – ជះលុយប៊ូស (ងាយៗ ឆាប់ចប់) ។ នេះគេហៅថា ផ្សាយពាណិជ្ជកម្ម (outbounce) ។
- ថតវីដេអូ និយាយពីតិចនិកដេគ័របន្ទប់ ឲ្យស្អាត មើលឃើញទូលាយ មានសណ្តាប់ធ្នាប់ ដោយប្រើផលិតផលតុទូររបស់អ្នក យកមកធ្វើគម្រូ ចុងក្រោយអាចប្រូម៉ូតលក់ផលិតផលនៅចុងវីដេអូ (ស៊ីពេល ពិបាកបន្តិច) ។ នេះគេហៅថា Content Marketing (Inbounce) ។
ចុះបើសិនជាយើងគិតបែបឈ្នះ យក Content Marketing មកចាយលុយប៊ូសថែម ច្បាស់ណាស់ អ្នកនឹងចំណេញជាងជះលុយផ្សាយពាណិជ្ជកម្មសុទ្ធ ។
ចំពោះការសិក្សាជំនាញធ្វើទីផ្សារមាតិកា នៅប្រទេសកម្ពុជាយើងបច្ចុប្បន្ននេះ មិនសូវសម្បូរបែបទេ ។ ការពិតទៅ Think eMarketing មានវគ្គសិក្សា 3 in 1 “Master Social Media Marketing” ដែលមាន ៣ ជំនាញ រាប់បញ្ចូលទាំង Content Marketing, ប៊ូសផុសលើហ្វេសប៊ុក និងតីកតុក ។
តែជំនាញ Content Marketing នៅក្នុងវគ្គសិក្សារបស់ Think eMarketing មិនទាន់ផ្តោតខ្លាំងទេ គ្រាន់តែជាជំនួយខ្លះៗ បន្ថែមពីលើបច្ចេកទេសប៊ូសផុស ។
តែឆាប់ៗនេះ យើងនឹងមានវគ្គសិក្សាស៊ីជម្រៅ (តែជា Shortcut សម្រាប់ម្ចាស់អាជីវកម្ម មិនចំណាយពេលច្រើនដូចរៀនសកលវិទ្យាល័យទេ កុំភ័យ) ទៅលើយុទ្ធសាស្ត្រ Content Marketing និង តិចនិកសរសេរអត្ថបទ Copywriting ដើម្បីប្រូម៉ូតអាជីវកម្មផងដែរ ។
តើអ្នកទាំងអស់គ្នា ចង់បានមេរៀនអ្វីខ្លះពីវគ្គសិក្សា Content Marketing ជួយបញ្ចេញមតិឲ្យ Admin បានដឹងផង?
3 in 1 “MASTER SOCIAL MEDIA MARKETING”
៣ ជំនាញក្នុងវគ្គសិក្សាតែមួយ ៖ ផលិតមាតិកា ប៊ូសផុសលើហ្វេសប៊ុក និង តីកតុក
