នេះជាបញ្ហាដែលម្ចាស់អាជីវកម្មជួបច្រើន!
ចំណុចនេះ Admin TEM បានបកស្រាយខ្លះៗដែរ តែដើម្បីឲ្យច្បាស់សូមស្តាប់ការបកស្រាយពី Meta Pro Team ផ្ទាល់ ។

នេះជាសេចក្តីសង្ខេបចេញពីការសន្ទនាតាមទូរស័ព្ទជាមួយ Meta Pro Team ៖

*បច្ចុប្បន្ននេះ គ្រប់គ្នាសុទ្ធតែប្រើមុខងារ Advantage+ Audience ដើម្បីប៊ូស ដែលអ្នកខ្លះហៅថា Boost AI

1/ ជាគោលការណ៍កំណត់ដោយ Meta គេត្រូវការពេលរហូតដល់ ២ សប្តាហ៍ដើម្បីឲ្យ AI សិក្សារកអតិថិជនគោលដៅដែលត្រូវជាមួយពាណិជ្ជកម្មរបស់អ្នក គេហៅថាដំណាក់កាល Learning Phase

2/ ក្នុងដំណាក់សិក្សា (Learning Phase) AI នឹងបំបែកអតិថិជនគោលដៅជាផ្នែកតូចៗដើម្បីធ្វើតេស្ត ។ ឧទាហរណ៍ ៖
ប្រសិនបើអ្នកកំណត់ Targeting: Fashion | Gender: Women | Age: 18-35 នោះ AI នឹងបំបែកក្រុមមនុស្សជាផ្នែកតូចៗ ។ AI រុញពាណិជ្ជកម្មឲ្យមនុស្សអាយុ 18-24 ឃើញសិន បាន ២-៣ ថ្ងៃ
វាក៏រុញឲ្យមនុស្សអាយុ 25-35 ឃើញម្តង រហូតដល់លទ្ធផលចុងក្រោយ ទើប AI ចម្រាញ់ក្រុមមនុស្សណាមួយដែលត្រូវគោលដៅច្រើនជាងគេ

3/ ដោយហេតុថា របៀបរុញពាណិជ្ជកម្មរបស់ Advantage+ Audience វាបំបែកអតិថិជនគោលដៅជាក្រុមតូចៗ អញ្ចឹងក្នុងកំឡុងពេល ២ សប្តាហ៍នេះ ប៉ះចំក្រុមមនុស្សខ្លះក៏ត្រូវគោលដៅ តែពេល AI ប្តូរទៅតេស្តមនុស្សថ្មី អាចនឹងខុសគោលដៅវិញ

ខ្ញុំក៏សួរទៅ Meta Pro Team ដោយឆោត ថាមានដំណោះស្រាយអីអត់? ព្រោះម្ចាស់អាជីវកម្មមិនអាចចាំ ១៤ ថ្ងៃបានទេ ពួកគាត់ត្រូវការលក់ ។ (ដឹងគេឆ្លើយថាម៉េចអត់?)

• គេថា អត់មានធ្វើម៉េចទេ មានតែចាំឲ្យ AI សិក្សាពីអតិថិជនគោលដៅសិន
• មួយវិញទៀត ប្រសិនបើអត់ចង់ចាំយូរ យើងអាចដំឡើងលុយបាន ព្រោះលុយច្រើន យើងអាចរុញពាណិជ្ជកម្មឲ្យមនុស្សឃើញច្រើន ធ្វើឲ្យ AI សិក្សា Targeting បានលឿន កាត់បន្ថយពេលរងចាំ

សមហេតុផល! តែ… ជាក់ស្តែងវាមិនបែបនេះទេ!

• បរិបថអ្នកប្រើបណ្តាញសង្គមនៅស្រុកយើង មួយចំនួនធំ បង្កើតគណនីហ្វេសប៊ុកឲ្យតែរួចពីដៃប៉ុណ្ណោះ មិនបានប្រើប្រាស់ឲ្យបានត្រឹមត្រូវទេ ជាហេតុនាំឲ្យ AI សិក្សាមិនត្រូវ ថាតើមនុស្សម្នាក់ហ្នឹង ចូលចិត្តអ្វី ជាមនុស្សបែបណាឲ្យប្រាកដទេ ជាពិសេសមនុស្សចាស់ដែលប្រើហ្វេសប៊ុក (ឧទាហរណ៍ ៖ អ្នកខ្លះបង្កើតគណនីមក ដាក់ឆ្នាំកំណើត ខែ ០២/២០២៥ អីចឹង ហើយយើង Target អាយុម៉េចត្រូវ)
• ដូចច្នោះហើយ ពេលយើងដាក់លុយកាន់តែច្រើន Facebook Ad រុញទៅមនុស្សខុសកាន់តែច្រើន ព្រោះ ២ សប្តាហ៍ដំបូងនេះគ្រាន់តែជាពេល AI រាវរកមនុស្សមកមើលពាណិជ្ជកម្មរបស់យើងទេ គេអត់ធានាថារុញពាណិជ្ជកម្មត្រូវមនុស្សទេ

អញ្ចឹងត្រូវធ្វើម៉េច?
បើតាមបទពិសោធន៍ផ្ទាល់ខ្លួនរបស់ខ្ញុំ អាចថាមាន ២ របៀបដែលល្អបំផុត ៖

1/ CBO Technique : បំបែក Ad Set (2-3 Ad Sets) កំណត់ Targeting ផ្សេងគ្នា ដើម្បីឲ្យ AI រកអតិថិជនគោលដៅផ្សេងគ្នា អញ្ចឹង Ad Set មួយៗអាចធ្វើការឆ្លាស់គ្នា បើមួយខុសគោលដៅ មានមួយទៀតត្រូវគោលដៅ

2/ Backup Campaign: បើដឹងថាប៊ូសដើរល្អតែ ២-៣ ដំបូង អញ្ចឹងអ្នកត្រូវបង្កើត Campaign ឲ្យ ២-៣ បន្ថែមទៀត (ដាក់ Schedule ទុកមុន & ដូរ Audience ខុសគ្នាតិចតួច) ឲ្យវាចេញតកន្ទុយគ្នា ដើម្បីសាគួរ ទម្រាំតែគ្រប់ Learning Phase ១៤ ថ្ងៃដែល AI បញ្ចប់ការសិក្សា Targeting

នេះគ្រាន់តែជា យោបល់ខ្ញុំ ជាអ្វីដែលខ្ញុំបង្រៀនម្ចាស់អាជីវកម្មនៅក្នុង Private Training របស់ខ្ញុំ *អ្នកធ្វើបានផលប៉ុន្មានភាគរយ ខ្ញុំអត់ធានាទេ សូមសាកសិន ជាជាងដេកចាំ