ទាក់ម៉ូយអនឡាញនៅលើបណ្តាញសង្គម មិនសម្តៅលើការជះលុយប៊ូសដើម្បីបង្ខំឲ្យគេឃើញពាណិជ្ជកម្មយើងទេ តែនៅក្នុងអត្ថបទនេះយើងនិយាយគ្នាពីយុទ្ធសាស្ត្រដែលម្ចាស់អាជីវកម្មគួរគិតបែបផ្លូវវែងឆ្ងាយ តែត្រូវការចាប់ផ្តើមជំហានទី ១ ឥឡូវនេះ ។

ត្រីធំ ស៊ីត្រីតូច

កាលពីមុន

ត្រីលឿនស៊ីត្រីយឺត

ឥឡូវនេះ

ហ្វេសប៊ុកនិងតីកតុកឥឡូវនេះ បានក្លាយជាកន្លែងស្ទួចចំណាប់អារម្មណ៍ដ៏ធំមួយ តាមរយៈវីដេអូខ្លីៗ ។

បច្ចុប្បន្ននេះ វីដេអូលើតីកតុកអាចផុសបានពី ១៥ វិនាទី ដល់ទៅ ១៥ នាទី ខណៈដែល Facebook Reels អាចផុសបាន ៩០ វិនាទី ។ ក៏ប៉ុន្តែបើសិនជាយើងមើលតាមធម្មជាតិរបស់ផ្លេតហ្វមយក្ស ២ នេះ វីដេអូក្នុងចន្លោះ ៣០-៦០ វិនាទីនៅតែល្អ ងាយវាយលុកទីផ្សារជាង (លើកលែងវីដេអូចំណេះដឹងដូច Think E-Marketing គឺទាមទារឲ្យធ្វើវីដេអូវែងដើម្បីបកស្រាយ) ។

ហេតុអ្វី ធ្វើវីដេអូ ៣០-៦០ វិនាទី?

– វីដេអូខ្លីចំណាយពេលផលិតតិច ចេញវីដេអូបានច្រើន ស្ទួចចំណាប់អារម្មណ៍បានច្រើន

– វីដេអូខ្លីងាយស្រួលរក Retention បានខ្ពស់ (ឧទាហរណ៍ ៖ វីដេអូ ៩០ វិនាទីគេមើល ៤៥ វិនាទី = Retention ៥០%, វីដេអូ ៦០ វីនាទី គេមើល ៤៥ វិនាទី = Retention ៧៥%)

នេះជាមូលដ្ឋានគ្រឹះនៃ Online Marketing Funnel ៖

អ្វីដែលដែលម្ចាស់អាជីវកម្មគួរធ្វើដើម្បីប្រកួតប្រជែងគឺចេញវីដេអូខ្លីៗឲ្យបានច្រើន ។

ក្នុងចំណោមវីដេអូខ្លីៗនោះ ត្រូវប្រាកដថា ១-៣ វីនាទីដំបូង ត្រូវមានកន្លែងស្ទួចចំណាប់អារម្មណ៍ឲ្យបាន (Hook)។

វីដេអូខ្លី = ស្ទួចអតិថិជនដែលអត់ទាន់ស្គាល់គ្នា (Cold Audience)

ចុះធ្វើម៉េចដើម្បីស្ទួច Warm Audience ដែលស្គាល់គ្នាខ្លះហើយ?

ម្ចាស់អាជីវកម្មត្រូវការ មាតិកា ២ ប្រភេទគឺ Educate X Entertain ។

ហេតុអ្វី? ព្រោះមាតិកា ២ ប្រភេទនេះ​​នឹងធ្វើឲ្យគេតាមដានអ្នក (មិនសម្តៅលើចំនួន Follower ទេ) ។

– Educate = Provide Value (បែបចំណេះដឹង) ដូច​ Admin កំពុងធ្វើនេះ

– Entertain = Provide Value (បែបកម្សាន្តអារម្មណ៍) តែមិនសូវត្រូវចំអតិថិជនគោលដៅទេ គ្រាន់តែបានគេស្គាល់យើងច្រើន

=> ឈរលើគោលការណ៍ ត្រីលឿន ស៊ីត្រីយឺត តើអ្វីដែលម្ចាស់អាជីវកម្មគួរធ្វើបន្តទៀត?

សាមញ្ញទេ គឺប្រើក្បាច់ចាស់ ៖ Boost View ឬ Boost Engagement ។

បើសិនជាម្ចាស់អាជីវកម្មគិតដល់យុទ្ធសាស្ត្ររយៈពេលវែង (Long Term) ការជះលុយ Boost View ឬ​ Engagement វាមិនបានបង្កើនការលក់ភ្លាមទេ តែវាជាយុទ្ធសាស្ត្រចាក់ឬសស៊ីជម្រៅ ។ គិតមើលទៅ លក់របស់ដូចគ្នា បើគេឃើញយើង ១០០ ដង ឃើញអ្នកផ្សេង ១០ ដង តើគេចាប់អារម្មណ៍អ្នកណាជាង?

ចំពោះបញ្ហាបច្ចេកទេសមួយចំនួនទៀតក្នុងអត្ថបទនេះ Admin នឹងចេញវីដេអូពេលក្រោយ ដើម្បីបកស្រាយលម្អិតបន្ថែមទៀត ។

ក្នុងនោះដែលសម្រាប់ម្ចាស់អាជីវកម្មដែលចង់សិក្សាបន្ថែម យើងក៏មាន 2+2 Course II “Master Social Media Marketing” ដែលអាចចូលរៀនឥឡូវនេះភ្លាម ជាពិសេសក៏មាន Support ផ្ទាល់ពី Admin Think E-Marketing ផងដែរ ។