បញ្ហាធំសម្រាប់អ្នកផុសវីដេអូលើហ្វេសប៊ុកគឺ ផុសអត់អ្នកមើលមធ្យម សំខាន់ជះលុយប៊ូសហើយអត់ចង់ឡើងទៀត ។
អាចថា ដោយសារអ្នកអត់ដឹងថា តើរាល់ថ្ងៃនេះហ្វេសប៊ុកផ្លាស់ប្តូរអ្វីខ្លះ? តើ Algorithm គណនាយ៉ាងម៉េចដើម្បីរុញវីដេអូឲ្យអ្នកផ្សេងបានឃើញ?

អត្ថបទនេះយើងនិយាយគ្នាពីកំណែទម្រង់ចុងក្រោយរបស់ Facebook Algorithm ។
របៀបរុញវីដេអូរបស់ហ្វេសប៊ុក ដែលយើងហៅថា Algorithm ជារួមគឺមាន ៥ ចំណុចពាក់ព័ន្ធគ្នា ។

១/ Content Format

យោងតាមព័ត៌មានចុងក្រោយពីក្រុមហ៊ុនមេតា គឺគេនឹងកែទម្រង់វីដេអូ ទៅជាបែបវីដេអូ Reels ទាំងអស់ នៅពេលឆាប់ៗនេះ ។ កាលពីមុនគេនៅបែងចែកវីដេអូទូទៅនៅលើ News Feed និងវីដេអូបញ្ឈរនៅក្នុង Facebook Reels ។ តែឆាប់ៗនេះគ្រប់វីដេអូទាំងនឹងរុញចូលកន្លែងតែមួយគឺ Reels ដែលមានន័យថា ដាច់ខាតអ្នកត្រូវតែធ្វើវីដេអូបញ្ឈរ ជាពិសេសជាវីដេអូខ្លីៗ ។

២/ Relevance

Algorithm ចូលរួម ៥០% តែ ៥០% ទៀតវាស្ថិតនៅលើ ចំណាប់អារម្មណ៍ ។​​ ឧទាហរណ៍ថា ៖ បច្ចុប្បន្ននេះ គេកំពុងល្បីរឿងដំរីឡាក់គី អញ្ចឹងបើវីដេអូអ្នកនិយាយពីឡាក់គី មានន័យថា អ្នកជោគជ័យ ៥០% រួចហើយ ។

អ្វីដែលអ្នកគួរធ្វើគឺគិតពីប្រធានបទណាដែលមនុស្សចង់ដឹង ចង់មើល ។

៣/ Engagement

ចំណុចនេះ សាមញ្ញស្រួលយល់មែនទែន ឲ្យតែផុសណា មាន like, share, ជាពិសេស cmt ច្រើន អញ្ចឹង ច្បាស់ណាស់វារុញវីដេអូហ្នឹងឲ្យមនុស្សមើលកាន់តែច្រើន ។

ធ្វើម៉េចដើម្បីបាន Engagement? មានតិចនិកច្រើន ដូចជា ៖ ផ្តល់ដំណោះស្រាយ, និយាយពីបញ្ហា, និយាយឲ្យគេឆ្ងល់, សួរសំណួរឲ្យគេឆ្លើយ, ឬក៏ប្រាប់ឲ្យ Share ឬ Comment ដើម្បីបានរង្វាន់ជាដើម (យុទ្ធសាស្ត្រអ្នកលក់អនឡាញធំៗ) ។

៤/ Retention

Retention = Recapture Attention!

និយាយសាមញ្ញឲ្យស្រួលស្តាប់​ Retention សម្តៅដល់​ រយៈពេលដែលមនុស្សមើលវីដេអូអ្នក ។ Retention លើហ្វេសប៊ុកគិតជាភាគរយ តើគេមើលវីដេអូបានរយៈពេលប៉ុន្មាន % ។ មើលបានពាក់កណ្តាល? មើលដល់ចប់?

ជាទូទៅវីដេអូខ្លីៗនៅលើហ្វេសប៊ុក តែងតែមាន Retention ខ្ពស់ជាងវីដេអូវែង ព្រោះវីដេអូខ្លីៗគេអាចមើលដល់ចប់ អញ្ចឹង Algorithm ឲ្យតម្លៃលើវីដអូបែបនេះ ។

សេណារីយ៉ូ ១ ៖ Retention ខ្ពស់ដោយគេមើលដល់ចប់ ជាពិសេសមើលចប់ហើយបកមកមើលវីដេអូដដែលហ្នឹងម្តងទៀត
សេណារីយ៉ូ ២ ៖ Retention ខ្ពស់ដោយសារគេមើលវីដេអូនេះ ហើយបន្តទៅមើលវីដេអូផ្សេងទៀតលើផេករបស់យើង

៥- Interaction

ចំណុចចុងក្រោយក្នុងអត្ថបទ តែជាចំណុចចាប់ផ្តើមដំបូងដែលអ្នកគួរធ្វើពេលថតវីដអូគឺ Interaction ដែលគេហៅថា Hook ព្រោះថា ១ វីនាទីដំបូងគឺជាចំណុចចាប់ផ្តើម ថាតើគេអូសកាត់វីដេអូអ្នកហើយគេចូលមើលវីដេអូអ្នកឬអត់? បើ ១ វិនាទីដំបូង បរាជ័យ គ្រប់យ៉ាងស្មើសូន្យ ។

ក្នុងនោះដែរ សម្រាប់ម្ចាស់អាជីវកម្មដែលចង់សិក្សាបន្ថែម ក៏អាចចូលរៀនក្នុងវគ្គសិក្សា 2+2 Course II “Master Social Media Marketing” ដែលមានមេរៀន ៤ ជំនាញ ជាមួយនឹងមេរៀន Update ដំណាក់ទី ២ ផងដែរ

2+2 Course “Master Social Media Marketing II” ដែលនឹងមេរៀន Update ដំណាក់កាលទី ២ ដែលមានមេរៀន ៤ ជំនាញដដែលតែកែទម្រង់ថ្មីបន្ថែម ។