អាជីវកម្មសម័យឥឡូវ​ កំពុងរកវិធីប្រកួតប្រជែងគ្នា មិនត្រឹមតែលើការលក់ទេ តែប្រកួតលើការទាញចំណាប់អារម្មណ៍៍អ្នកប្រើបណ្តាញសង្គមតាមរយៈវីដេអូ ។

• អាជីវកម្មខ្លះធ្វើវីដេអូកម្សាន្ត
• អាជីវកម្មខ្លះធ្វើវីដេអូចំណេះដឹង (ដូចអេដមីនជាដើម)
• ក្រុមហ៊ុនខ្លះ ជួយតារាល្បីៗជួយផ្សាយ
• ម្ចាស់អាជីវកម្មខ្លះដើរចែកអំណោយ
• ម្ចាស់អាជីវកម្មខ្លះអត់ដឹងធ្វើអី មានតែចាយលុយ Boost View យកតែម្តង

ទោះស្ថិតក្នុងវិធីសាស្ត្រមួយណាក៏ដោយ គឺមានបំណងតែមួយគត់ “ទាញចំណាប់អារម្មណ៍” ។

តែបញ្ហាត្រង់ថា វីដេអូមានអ្នកមើលរាប់ម៉ឺននាក់ ខំចាយលុយ Boost រាប់ពាន់ដុល្លារ ចុងក្រោយលក់អត់បាន ហេតុអ្វី?

នេះជាចន្លោះប្រហោងតូចមួយ ដែលអ្នកធ្វើទីផ្សារលើបណ្តាញសង្គមគួរចាក់បំពេញ បើតាមភាសាបច្ចេកទេសគេហៅថា “Lead Magnet” ។

Lead Magnet ប្រៀបបាននឹងស្ពានមួយដែលចម្លងអ្នកទស្សនាវីដេអូរបស់យើង ពីអ្នកមើលលេងៗ ទៅជាអ្នកទិញ បម្លែងមាតិកាទៅជាថវិកា បម្លែងចំនួនអ្នកទស្សនា (View) ទៅជា ការលក់​។

ការធ្វើមាតិកានៅលើបណ្តាញសង្គមជាទូទៅចែកជា ២ ផ្នែកគឺ មាតិកាប្រូម៉ូត Brand Awareness និងមាតិកាជម្រុញការលក់ ។

អាជីវកម្មដែលចង់ធ្វើទីផ្សារយូរអង្វែង រកស៊ីធំ គេតែងតែសម្រុកធ្វើមាតិកាទាំង ២ ខុសពីអាជីវកម្មដែលលក់អនឡាញតូចៗ ដែលផ្តោតតែលើមាតិកាសម្រាប់លក់ប៉ុណ្ណោះ ។

ឆ្លងកាត់បទពិសោធន៍ខ្ញុំជាអ្នកកាន់ការងារលើអាជីវកម្មទាំងក្រុមហ៊ុនធំ និងអ្នកលក់អនឡាញទូទៅ មានចំណុចមួយដែលអាជីវកម្មគ្រប់កម្រិតគួរតែយកចិត្តទុកដាក់គឺចេះប្រើ Lead Magnet នៅក្នុងមាតិកាទាំង ២ ប្រភេទ ។

យុទ្ធសាស្ត្រ “Lead Magnet” 

• ចំពោះការផលិតមាតិកាបែប Brand Awareness: យុទ្ធសាស្ត្រនៅក្នុងការប្រើ Lead Magnet គេផ្តោតលើ ការផ្តល់ជូនគុណតម្លៃ ឬរបស់ហ្រ្វី ដើម្បីទាក់ទាញអតិថិជនគោលដៅ ។ ដូចអេដមីនតែងតែធ្វើជាប្រចាំ គឺផ្តល់ចំណេះដឹងទូទៅជុំវិញការធ្វើទីផ្សារអនឡាញទៅកាន់ម្ចាស់អាជីវកម្មនិងអ្នកធ្វើទីផ្សារឌីជីថល អញ្ចឹងប្រសិនបើអេដមីនចង់លក់សេវាកម្មផ្សេងជុំវិញវិស័យមួយនេះ ច្បាស់ជាមិនពិបាកទេ ព្រោះមានអតិថិជនក្នុងដៃចាំតាមដានស្រាប់ ។
• ចំពោះការផលិតមាតិកាបែប Sale ឬ Promotion: ការប្រើ Lead Magnet ផ្តោតលើការផ្តល់ជូនផលិតផលឬសេវាកម្ម ក្នុងលក្ខខណ្ឌពិសេសណាមួយ ដែលមិនមានក្នុងការលក់ទូទៅ ដើម្បីទាក់ទាញឲ្យមនុស្សចង់សាកប្រើផលិតផលឬសេវាកម្មនោះ ។

នេះជាគំនិងក្នុងការប្រើយុទ្ធសាស្ត្រ Lead Magnet ចំនួន ១០ សម្រាប់អ្នកទាំងអស់គ្នា ក្រែងអត់ដឹងថាគេធ្វើម៉េចខ្លះ ។

1. ចំណេះដឹងទូទៅឬតិចនិកផ្សេងៗ
2. មេរៀនឥតគិតថ្លៃ
3. ផ្តល់ជូនទិន្នន័យ ឬ Infographic (សង្ខេបទិន្នន័យសំខាន់ៗ)
4. គម្រូ Template ផ្សេងៗ
5. របស់ប្រើ ឬ Software Free
6. Guide ឬការណែនាំផ្លូវ (ចែករំលែកបទពិសោធន៍)
7. បង្កើតគ្រុប ឬសហគមន៍ឌីជីថល (Networking)
8. ប្រឹក្សាយោបល់ឥតគិតថ្លៃ
9. របស់ប្រើសាកល្បង ឬ Free Trail (សម្រាប់ផលិតផលនិងសេវាកម្ម)
10. ផ្តល់ជូនកម្មវិធីពិសេស (មិនសម្តៅលើការលក់បញ្ចុះតម្លៃ ឬថែមរបស់ហ្រ្វីទេ)

Tips: លក្ខខណ្ឌការធ្វើទីផ្សារនៅស្រុកខ្មែរ កន្លែងដែលប្រើ Lead Magnet មានប្រសិទ្ធភាពបំផុតគឺ នៅខាងចុងវីដេអូ​ ព្រោះថា អ្នកដែលតាមដានវីដេអូដល់ចុងបញ្ចប់ សុទ្ធតែជាអតិថិជនគោលដៅគុណភាពខ្ពស់បំផុត ។

កន្លែងផ្សេងទៀតដែលយើងអាចប្រើ Lead Magnet បានមានដូចជា នៅក្នុង Description, Comment , Facebook ឬ Telegram Group, អត្ថបទ, Email ជាដើម ។

នេះជា គម្រូ Lead Magnet ស្រស់ៗ ធ្វើមែនទែន មិនមែនគ្រាន់និយាយតាមទ្រឹស្តី ដែល Think E-Marketing តែងតែធ្វើរាល់ដង គឺបែបនេះ … 😁

ម្ចាស់អាជីវកម្មដែលចង់សិក្សាបន្ថែម លើជំនាញបច្ចេកទេស Boost & Content Marketing អាចចូលរៀនវគ្គសិក្សា 2+2 Phase II Update បាន ។