Facebook Ads & TikTok Ads នាពេលបច្ចុប្បន្ននេះ រកវិធីស៊ីលុយអ្នកតាមច្រកតែមួយ គឺ Bid System ដែលជាមូលហេតុធំធ្វើឲ្យអ្នកប៊ូសផុសភាគច្រើន ផុងខ្លួន ឡុងចុង ចាយលុយកាន់តែច្រើន តម្លៃពាណិជ្ជកម្ម (Cost Per Result) កាន់តែឡើងថ្លៃ ។

ពេលអ្នកប៊ូសអត់សូវដើរ ឬប៊ូសដើរហើយ ចង់ឲ្យវាដើរកាន់តែខ្លាំង ប្រសិនបើអ្នកឆាតសួរ Meta Support គេនឹងប្រាប់អ្នកថា ដំឡើង Ad Budget ដើម្បីឲ្យពាណិជ្ជកម្មដើរខ្លាំង តែការពិត ពួកហ្នឹងឆ្លើយឲ្យតែរួច គ្រប់ KPI ការងាររបស់គេទេ ធាតុពិតវាមិនដូចគេប្រាប់អ្នកទេ ។

ហេតុអ្វី?

៣ ចំណុចដែល Facebook Ads & TikTok Ads ធ្វើការ ៖

• Bidding: សម្តៅលើទឹកលុយដែលអ្នកហ៊ានចំណាយដើម្បីទទួលបានលទ្ធផលប៊ូស ដូចជាទទួលបាន Engagement ឬ Message ។ អ្នកចាយលុយច្រើន ពាណិជ្ជកម្មគាត់ ចេញកាន់តែច្រើន (តែមិនប្រាកដថាអញ្ចឹងទេ ព្រោះវាពាក់ព័ន្ធនឹងចំណុចទី២)
• Ad Quality: តើរូបភាពឬមាតិកា រួមជាមួយ Caption ត្រូវចិត្តអ្នកមើលពាណិជ្ជកម្មអត់ ។​ Content ល្អ​ ទាក់ចិត្តអ្នកមើល មានន័យថា Facebook & TikTok ចង់រុញពាណិជ្ជកម្មអ្នកបន្ថែម
• Action Rate: តើអ្នកមើលឃើញពាណិជ្ជកម្មអ្នក គេចាប់អារម្មណ៍ចង់ចុចលើពាណិជ្ជកម្មអ្នកកម្រិតណា (Like, Share, Comment, Chat)

ហេតុអ្វីឡើងលុយកាន់តែច្រើនកាន់តែអត់ប្រយោជន៍?

• Ad Fatigue: ដូចបានលើកឡើងពី Bidding System ។ នៅពេលអ្នកឡើងលុយច្រើន នោះ Ad System នឹងព្យាយាម ចំណាយលុយ ដោយបង្ហាញពាណិជ្ជកម្មទៅកាន់តែ Broad Audience ដែលអាចខុសគោលដៅ (ធ្វើម៉េចឲ្យតែវាចំណាយលុយយើងច្រើន) មួយវិញទៀតគឺបង្ហាញទៅមនុស្សដដែលឃើញ ១ ថ្ងៃ ៣-៤ ដង ធ្វើឲ្យគេធុញ លែងចង់ឃើញពាណិជ្ជកម្មអ្នក រហូតដល់ចុច Report Ad ចោល ។
• Less Relevant: ដោយសារ Ad System រុញពាណិជ្ជកម្មខុសគោលដៅ ដើម្បីបំផ្លាញលុយយើង អញ្ចឹងអ្នកឃើញពាណិជ្ជកម្ម មិនចាប់អារម្មណ៍ជា Content ដែលយើងកំពុងផ្សាយពាណិជ្ជកម្មទេ នាំឲ្យពាណិជ្ជកម្មខុសគោលដៅ អត់សូវមានអ្នកមើល តម្លៃពាណិជ្ជកម្មកាន់តែថ្លៃ ។
• Bid Competition: ឡើងលុយច្រើន មានន័យថា អ្នកចង់ប្រកួតប្រជែងជាមួយអ្នកប៊ូសផ្សេងទៀត ដើម្បីឲ្យពាណិជ្ជកម្មអ្នកឡើងលើ News Feed ច្រើនជាងគេ នាំឲ្យ AI គិតថា អ្នកជាអ្នកមាន សម្បូរលុយចាយ អញ្ចឹងវាឡើងថ្លៃពាណិជ្ជកម្ម ។

តើអ្វីដែលម្ចាស់អាជីវកម្មគួរធ្វើ?

• ចាយលុយតិច (តែកុំតិចជ្រុលពេក) ៖ ពេលអ្នកចាយលុយប្រចាំថ្ងៃតិចមានន័យថា ថវិកាមានកំណត់ ដែលធ្វើឲ្យ AI រកអតិថិជនមួយក្តាប់តូចប៉ុណ្ណោះ ត្រូវជាមួយគោលដៅដែលអ្នកចង់បាន ។ Daily Budget សម្រាប់ប៊ូសល្អបំផុតគឺចន្លោះពី $10-$30/ថ្ងៃ (យោងតាមបទពិសោធណ៍របស់ Admin ធ្វើបានផលជាក់ស្តែង)
• ផ្តោតលើ Content ៖ ពេលអ្នកប៊ូសកុំពឹងតែហ្វេសប៊ុកឬតីកតុកពេក តែត្រូវគិតដូចអ្នកផលិតមាតិកា ថាតើមាតិកាបែបអ្នកដែលគេចង់មើល (Relevant) ។

ប្រសិនបើអ្នកចង់ឡើងលុយប៊ូស ឲ្យពាណិជ្ជកម្មដើរខ្លាំងតើអ្នកត្រូវធ្វើម៉េច?

• រៀងរាល់ ២-៣ ថ្ងៃ អ្នកអាចឡើងលុយ 10-20% ។ ធ្វើបែបនេះ មិនប៉ះពាល់ដល់ Learning Phase របស់ Facebook & TikTok Ad ទេ ។
• តែ Admin មានវិធីសាស្ត្រល្អជាងនេះ ៖ Duplicate Campaign ទៅជា Campaign ថ្មី => អ្នកមាន ២ ជម្រើស
  • ប្រើមាតិកាដដែល តែដូរ Audience និង Custom Audience (បិទកុំឲ្យមនុស្សដដែលឃើញ)
  • ប្រើ Audience ដដែល តែប្តូរមាតិកា ដើម្បីកុំឲ្យគេឃើញដដែលៗ

ចាំមើលវីដេអូ បានស្រួលយល់! Admin នឹងចេញនៅពេលក្រោយ…

ក្នុងនោះដែរម្ចាស់អាជីវកម្មដែលចង់សិក្សាលើការអនុវត្តន៍ជាក់ស្តែង ជុំវិញបច្ចេកទេស Boost & Content Marketing យើងក៏មានវគ្គសិក្សា 2+2 “Master Social Media Marketing” ដែលទើប Update មេរៀនដំណាក់កាលទី ២ ថ្មីៗនេះផងដែរ ។