និយាយពីការប៊ូសផុស លក់អនឡាញទូទៅ (មិនមែនប៊ូសដើម្បីធ្វើទីផ្សារ ឬប្រូម៉ូតប្រេន) យើងអាចនិយាយបានថា Boost Message ជាវិធីសាស្ត្រពេញនិយមមួយសម្រាប់អ្នកលក់អនឡាញ ព្រោះគេយល់ថា Boost Message នឹងជួយឲ្យមានអ្នកឆាតសួរផលិតផលច្រើន អញ្ចឹងអ្នកលក់ងាយស្រួលបញ្ចុះបញ្ចូលឲ្យអតិថិជនទិញផលិតផលរបស់ខ្លួន ។
ចុះបើសិន អត់ Boost Message តើអាចលក់បានអត់?
ចម្លើយដ៏ខ្លី ៖ លក់បាន …
តើ Facebook ធ្វើម៉េចទើបអាចរុញមនុស្សឲ្យឆាចូលផេកបានច្រើន?
សាមញ្ញទេ នៅពេលអ្នក Boost Message នោះ Facebook នឹងដាក់បញ្ចូលមុខងារពិសេសមួយគឺ បង្ហាញសារស្វាគមន៍នៅលើរូបភាពឬវីដេអូតែម្តង ជាពិសេសគឺរុញសារទៅក្នុង Inbox របស់អ្នកប្រើហ្វេសប៊ុក ដែលបានចុចលើរូបភាពឬវីដេអូដែលអ្នកបានប៊ូស ។
បើមិនជឿទេ សាកអូសហ្វេសប៊ុក ហើយចុចលើពាណិជ្ជកម្មដែលគេបានប៊ូសផុស នោះអ្នកនឹងឃើញសារពីផេកនោះលោតចូល Inbox អ្នកអូតូតែម្តង ។
ក៏ប៉ុន្តែ…
បើទោះជាអ្នកមិន Boost Message (ដោយគ្រាន់តែ Boost Engagement ធម្មតា) ក៏នៅតែអាចដាក់ Message Button បានដូចគ្នា មានន័យថា អតិថិជនគោលដៅរបស់អ្នកនៅតែឆាតសួរអ្នកដដែល បើសិនគេចាប់អារម្មណ៍ផលិតផលអ្នក ។
ចំណុចខុសគ្នា រវាង Boost Engagement VS Boost Message មានតែមួយប៉ុណ្ណោះគឺ Boost Engagement អត់មានលោតសារអូតូទៅ Inbox គេទេ ទាល់តែគេចុចលើប៊ូតុង Message បានគេអាចឆាតឆ្លើយឆ្លងជាមួយផេកអ្នកបាន ។
Boost Engagement ជាវិធីសាស្ត្រល្អបំផុត សន្សំសំចៃ X10 សម្រាប់អាជីវកម្មដែលមានអ្នកស្គាល់ស្រាប់ ផលិតដែលមានប្រេនស្រាប់ ឬរបស់ដែលមានតម្រូវការខ្ពស់ ជាពិសេសអ្នកលក់អនឡាញដែលល្បីឈ្មោះលើបណ្តាញសង្គម ។ ករណីពិសេសមួយទៀត របស់អ្នកប្រេន អត់មានគេស្គាល់ តែរបស់ទាក់ទាញចំណាប់អារម្មណ៍ ធ្វើឲ្យគេចង់ទិញ ។
ឧទាហរណ៍ ៖ ទុរេនកំពតសាច់លេខ ១, ធម្មតាលក់ ១ គ.ក ២៣,០០០៛ ថ្ងៃនេះលក់តែ ១ គ.ក តែ ១៥,០០០៛ ទេ ….
អ្វីដែលអ្នកត្រូវដឹង…
Boost អ្វីក៏ដោយ ក្រុមហ៊ុន Meta គិតលុយពីចំនួន Reach/Impression ដូចគ្នាទាំងអស់ អញ្ចឹង Boost មួយណាក៏ល្អដែរ ។
- Boost Engagement: សន្សំសំចៃ ចំណាយតិច មានគេឆាតមកផេកអ្នកដូចគ្នា ឲ្យតែរូបភាពឬវីដេអូអ្នកទាក់ទាញ ចាក់ចំចំណុចរសើបរបស់អតិថិជន
- Boost Message: អស់លុយច្រើន តែជួយជម្រុញឲ្យគេឆាតមកផេកអ្នកច្រើន ងាយស្រួលជម្រុញការលក់ តែប្រយ័ត្នផង ពេលខ្លះប៊ូស Message បានតែអ្នកឆាតអត់ប្រយោជន៍
នេះជាយុទ្ធសាស្ត្រឈ្នះៗ…
Boost មួយណាក៏ល្អ ចុះម៉េចមិន Boost ទាំង ២ ហ្មងទៅ?
នេះជាគោលការណ៍មាសដែលខ្ញុំអនុវត្តន៍ជោគជ័យជួយឲ្យប៊ូសផុសដើរល្អ គឺ ផុស ១ ប៊ូស ២ មុខ (Engagment + Message) ។
សាកមើលទៅដឹងហើយ!
អត្ថបទក្រោយ Admin Think eMarketing នឹងបកស្រាយពី មូលហេតុ និង វិធីសាស្ត្រលម្អិតក្នុងការបែកចែកលុយ និង យុទ្ធសាស្ត្រប៊ូស Engagment + Message បញ្ចូលគ្នា ដើម្បីបង្កើនចំនួនអ្នកឆាតចូលផេក តែសន្សំសំចៃថវិកាប៊ូស (សន្សំសំចៃថវិកាប៊ូស មិនមែនមានន័យថា ប៊ូសស៊ីថោកដូចគេផ្អើលតាមគ្នាទេ សូមកុំយល់ច្រឡំ) ។
ជួបគ្នានៅអត្ថបទក្រោយ!
3 in 1 “MASTER SOCIAL MEDIA MARKETING”
៣ ជំនាញក្នុងវគ្គសិក្សាតែមួយ ៖ ផលិតមាតិកា ប៊ូសផុសលើហ្វេសប៊ុក និង តីកតុក
