ស្តង់ដារក្នុងការធ្វើតេស្ត Facebook Ads (Boost) រកមាតិកាដែលទាក់ទាញអតិថិជនគោលដៅ ជាទូទៅគេប្រើពេល ៤៨-៧២​ ម៉ោង និង មាន ២ របៀប ដែលអ្នកអាចធ្វើបានឥឡូវនេះ ។

កាលពីមុនយើងធ្វើតេស្តរក Audience ដែលចំគោលដៅជាមុនសិន តែឥឡូវនេះដោយសារតែ Facebook Ads ប្រើ AI ឲ្យរកអតិថិជនគោលដៅ អញ្ចឹងយើងរំលងចូលមករបៀបធ្វើតេស្តមាតិកា ៧២ ម៉ោងតែម្តង ។

អ្វីដែលអ្នកគួរត្រៀម ៖ មាតិកា ៣ ផ្សេងគ្នា (គួរប្រើវីដេអូខ្លីៗ ជាជាងរូបភាព) ឬប្រើវីដេអូមួយ តែមាន Hook ៣ ផ្សេងគ្នា (ក្បាល ៣ ខ្លួន ១)​ ។

២៤ ម៉ោងដំបូង ៖

បង្កើត Campaign មួយ រើសយក Object “Engagement” ដើម្បី Boost យក Like, Share, Comment មើល Reaction ថាតើវីដេអូមួយណាដែលមាន Engagement ច្រើន ។

នេះជា Campaign Struture ដែលយើងត្រូវប្រើ ៖ 1/1/3 

Campaign x1 – Ad Sets x1 – Ad Creative x3

Structure នេះគេហៅថា ABO Strategy (កាលពីមុន គ្រាន់តែយុទ្ធសាស្ត្រមួយនេះ គេបង្រៀនយកលុយ $150 តែឥឡូវនេះ វាធម្មតាៗ គ្មានអីអស្ចារ្យទេ អញ្ចឹង Admin ចែកគ្នាដឹងហ្មងទៅ) 

២៤ ម៉ោងដំបូងនេះ យើងអាចមើលលទ្ធផលជាក់ស្តែង (មើល Comment & Share កុំមើល Like) បើវីដេអូណាមានគេចាប់អារម្មណ៍ច្រើន យើងត្រូវរើសយកវាទៅធ្វើតេស្ត Boost Sale បន្ត ។

*ពេលតេស្ត Boost Sale អ្នកអាចទុក Campaign Engagement ឲ្យវាដើរបន្តក៏បាន មិនបាច់បិទវាចោលទេ ប្រសិនបើមានថវិកាសម្រាប់ចាយ Boost គួរសមដែរ ។

៤៨ ម៉ោងបន្ទាប់ ៖

ឧទាហរណ៍ថា ក្នុងចំណោមវីដេអូ ៣ មានវីដេអូ ២ ដែលដើរល្អ អញ្ចឹងយើងបង្កើត Campaign ថ្មីមួយទៀត Boost Sale ដោយប្រើ Structure 1/1/2 ។

Campaign x1 – Ad Sets x1 – Ad Creative x2 

នៅពេល Boost Sale ជាធម្មតា នឹងមានអ្នកឆាតសួរផលិតផល អញ្ចឹងចាំមើលថាតើ ក្នុងចំណោមវីដេអូ ២ នោះ មានមួយណាដែលទាក់ម៉ូយឲ្យឆាតបានច្រើនជាង ។

ករណីពិសេស ៖ វីដេអូខ្លះទាក់ម៉ូយឆាតច្រើន តែភាគច្រើនសួរចោល ផ្ទុយមកវិញ វីដេអូខ្លះ ទាក់ម៉ូយឆាតបានតិច តែ ១ ដឹង ១ ។ អញ្ចឹងកុំមើលតែចំនួនអ្នកឆាត តែមើលគុណភាពមនុស្សផង ។

យុទ្ធសាស្ត្រខាងលើនេះ សាមញ្ញៗ ងាយស្រួលអនុវត្តន៍ និងជួយម្ចាស់អាជីវកម្មកុំឲ្យចាយលុយខ្ជះខ្ជាយទៅលើរបៀប Boost ផុសស្មានៗ ។

សម្រាប់អ្នកចេះ Boost Level Advance ហើយ ប្រាប់តែប៉ុណ្ណឹង គាត់អាចធ្វើបានស្រួលដូចបកចេក តែសម្រាប់ម្ចាស់អាជីវកម្មដែលចង់សិក្សាបន្ថែម ក៏អាចចូលរៀនក្នុងវគ្គសិក្សា ២០២៦ របស់យើងបានដែរ​ មេរៀនទើបចេញក្តៅៗ​។