បច្ចុប្បន្ននេះ អ្នកប៊ូសផុសលើហ្វេសប៊ុកមានកាន់តែច្រើនទៅៗ មានន័យថាកម្រិតប្រកួតប្រជែងកាន់តែខ្ពស់ ប្រកួតទាំងថវិកាចាយលើប៊ូស គុណភាពមាតិកា និងតិចនិកលក់លើអនឡាញ ។
តែ… បើសិនហ្វេសប៊ុកតឹង ម៉េចមិនចាយលុយលើតីកតុកខ្លះ ព្រោះពេលតីកតុកបើកឲ្យប៊ូសដំបូងៗ នាំគ្នាបុកទៅប៊ូសតីកតុក ហើយក្រោយមកក៏ស្ងាត់វិញ តែអ្នកប៊ូសទៀងទាត់នៅលើតីកតុក គេនៅតែលក់បានធម្មតា ។
យ៉ាងណាមុននឹងចាយលុយប៊ូសផុសលើតីកតុក ម្ចាស់អាជីវកម្មត្រូវយល់ថា តីកតុកមិនមែនកន្លែងប្រូម៉ូតលក់សុទ្ធសាធដូចហ្វេសប៊ុកទេ ហើយក៏មិនមែនត្រូវគ្រប់ប្រភេទអាជីវកម្មនិងផលិតផលគ្រប់មុខទេ ។
យោងទៅតាមទម្រង់អ្នកប្រើប្រាស់បណ្តាញសង្គមតីកតុក ដែលភាគច្រើនជាយុវវ័យ ទាំងនេះជាប្រភេទផលិតផលនិងអាជីវកម្មដែលអាចនឹងត្រូវជាមួយ TikTok Ads ។
- សម្លៀកបំពាក់ និងគ្រឿងតុបតែងខ្លួន
- គ្រឿងសម្អាង
- របស់ប្រើផ្ទាល់ខ្លួន (កាបូប, ខ្សែក្រវ៉ាត់, វែនតា…)
- គ្រឿងអេឡិចត្រូនិក
- របស់ប្រើក្នុងផ្ទះ ផ្ទះបាយ និងរបស់ប្រើប្រចាំថ្ងៃ
- ចំណីអាហារ និងភេសជ្ជៈ
- កញ្ចប់ដំណើរកម្សាន្ត (Tour)
- វគ្គសិក្សាផ្សេងៗ
(ដូច Admin មានវគ្គសិក្សាអំពីយុទ្ធសាស្ត្រធ្វើទីផ្សារអនឡាញអញ្ចឹង គឺបានម៉ូយពីតីតតុកគួរសម ដោយមិនបាច់ចាយលុយប៊ូសផង)
ក្រៅពីនេះអាចនឹងមានផលិតផលមួយចំនួនទៀតដូចជា ម៉ូតូ រថយន្ត ជាដើម គ្រាន់តែមិនសូវពេញនិយមលើតីកតុកខ្លាំងដូចផលិតខាងលើទេ ។
*តិចនិកប៊ូសលើតីកតុក ៖ មិនពិបាកលើបច្ចេកទេសដូចហ្វេសប៊ុកទេ ប៊ូសយក View – ដាក់លុយ – ដាក់វីដេអូចូល – ដាក់ Call to Action ទៅ Facebook Page ឬ IG… ចប់!
ចប់តែមិនចប់
តែអ្វីដែលអ្នកត្រូវដឹងគឺតិចនិកក្នុងការរៀបចំមាតិកាសម្រាប់ប៊ូស!
១/ បែបធម្មជាតិៗ ៖ តីកតុកជាកន្លែងដែលមនុស្សចូលចិត្តមើលមាតិកាបែបធម្មជាតិៗ ថតធម្មតាៗចេញពីទូរស័ព្ទ មិនបាច់ត្រូវការកាមេរ៉ា Professional អីទេ (តែបើបានវីដេអូគុណភាពខ្ពស់ក៏ល្អ) សំខាន់គឺការនិយាយ និងកាយវិការបែបធម្មជាតិ
២/ Sound On ៖ តីកតុកជាកន្លែងដែលមនុស្សមើលវីដេអូជាមួយសម្លេង អញ្ចឹងពេលធ្វើវីដេអូប៊ូសលើតីកតុក កុំចោលឲ្យសោះសម្លេងនិយាយ ឬ Voice Over, និយាយផ្ទាល់ក្នុងវីដេអូកាន់តែល្អ
៣/ បង្ហាញឲ្យឃើញជាក់ស្តែង ៖ បង្ហាញរបៀបប្រើជាក់ស្តែង មុខងារ ចំណុចពិសេស តិចនិកប្រើឲ្យចំណេញជាដើម
៤/ខ្លីតែទាក់ទាញ ៖ វីដេអូល្អបំផុតលើតីកតុកគឺ ១៥-៣០ វិនាទី ជាពិសេសទាញចំណាប់អារម្មណ៍នៅរយៈពេល ២-៣ វិនាទីដំបូង
៥/ ប្រូម៉ូតដូចអត់ប្រូម៉ូត ៖ ធ្វើឲ្យមាតិការបស់អ្នក មើលទៅដូចលេងតីកតុកធម្មតា មិនមែនមាតិកាផ្សាយពាណិជ្ជកម្មទាំងដុលដូចហ្វេសប៊ុកទេ (រាំ, ច្រៀង តាម Trending ដូចធម្មតា)
៦/ កុំភ្លេចអូសអ្នកមើល ឲ្យស្គាល់បណ្តាញសង្កមផ្សេងទៀតដូច ហ្វេសប៊ុកផេក និង IG ជាដើម
**រឿងកំប៉ុចកំប៉ុក ដែលអ្នកគួរជៀសវាងពេលប៊ូសតីកតុក (បើសិនមិនចង់ខូចអាខោន)
១/ ហាមដាច់ខាតប្រូម៉ូតលេខទូរស័ព្ទ (ក្នុងវីដេអូ, Comment រួមទាំងថតជាប់នៅក្នុងវីដេអូ)
២/ ហាមនិយាយរឿងលុយច្រើនពេក រឿងចំណេញ រឿងវិនិយោគ ហិរញ្ញវត្ថុ បង់រំលស់ជាដើម
៣/ បើអាច កុំដាក់ប៊ូតុង Call To Action ឲ្យគេចុចទៅ Telegram (ព្រោះខុសគោលការណ៍) អ្នកគួរឲ្យគេចុចចូលមើលផេក ឬ IG (មានមូលហេតុសំខាន់ ដែល Admin នឹងបកស្រាយនៅប្រធានបទក្រោយ)
ជារួម ពេលប៊ូសតីកតុក ត្រូវរៀនប្រើតីកតុកធ្វើម៉េចឲ្យមាន View សិន ដើម្បីឲ្យយល់ធម្មជាតិរបស់តីកតុក មិនមែនមានលុយដាក់ប៊ូសទាំងដុលដូចហ្វេសប៊ុកទេទាន។
សម្រាប់ម្ចាស់អាជីវកម្មដែលសិក្សាបន្ថែមទៅបច្ចេកទេសប៊ូសផុស + យុទ្ធសាស្ត្រផលិតមាតិកា អាចចូលរៀនក្នុងវគ្គសិក្សា 2+2 Master Social Media Marketing ព្រោះយើងនឹងមាន Update មេរៀនដំណាក់កាលទី ២ ឆាប់ៗនេះ ។
2+2 Course ឥឡូវនេះ មានមេរៀនស្រាប់ ១០០% + Update មេរៀននៅពេលឆាប់ៗនេះ!
2 + 2 COURSE
“MASTER SOCIAL MEDIA MARKETING”
???? ចុះឈ្មោះឥឡូវនេះ $82 ????ពេលក្រោយតម្លៃឡើងទៅតម្លៃស្តង់ដារ $99
មាន Exclusive Support ៤ ខែពេញ
