មនុស្សប៊ូសកាន់តែច្រើន ការចំណាយកាន់កើន ដូចច្នោះហើយការប៊ូសផុសនៅពេលបច្ចុប្បន្ននេះ បើសិនជាម្ចាស់អាជីវកម្មធ្វើឲ្យតែរួចពីដៃ ច្បាស់ណាស់ ប៊ូសយូរទៅឃើញតែលេខ តែអត់ឃើញលុយ (លក់) ។

បើតាមបទពិសោធន៍ Admin Think E-Marketing ធ្លាប់ធ្វើការងារនេះឲ្យអាជីវកម្មផ្សេងៗ រួមជាមួយមុខរបរផ្ទាល់ខ្លួនផងនោះ ឃើញថា បញ្ហាជាក់ស្តែងមាន ៣ ផ្នែកធំៗ ដែលម្ចាស់អាជីវកម្មត្រូវដោះស្រាយបន្ទាប់ ។

1- កុំគិតតិចនិកប៊ូសពេក រហូតភ្លេចរឿង១ នេះ

តិចនិកប៊ូសរួមជាមួយបច្ចេកទេសផ្សេងៗ ជាមធ្យោបាយជម្រុញពីខាងក្រោយ ឬពីខាងក្នុង តែម្ចាស់អាជីវកម្មភាគច្រើនភ្លេចគិតរឿង ១ ដែលសំខាន់គឺ សំបកក្រៅ ។

គេនិយាយថា “Marketing is about Packaging” ដែលមានន័យសាមញ្ញថា “ការធ្វើទីផ្សារគឺជាការរៀបចំបកក្រៅ” ។

“សំបកក្រៅ” នេះបើនិយាយក្នុងន័យថាផ្សាយពាណិជ្ជកម្មលើបណ្តាញសង្គម យើងអាចនិយាយបានថា មាតិកា ដែលមាតិកានោះចែកជា ២ ទៀត គឺ ៖

• មាតិកាសម្រាប់ផ្សាយពាណិជ្ជកម្ម (Advertisement Content)
• មាតិកាសម្រាប់ប្រូម៉ូតប្រេនឌីង (Brading Content)

អាជីវកម្មតូចលក់ដូរអនឡាញ ទិញចូលលក់ចេញ ចំណេញយកលុយដាក់ហៅប៉ៅ អាចត្រូវការតែមួយទេគឺ មាតិកាសម្រាប់ផ្សាពាណិជ្ជកម្មដែលទាក់ទាញ តែចំពោះអាជីវកម្មធំចង់ធ្វើទីផ្សារយូរអង្វែរ ជៀសមិនផុតពីមាតិកាទាំង ២ ប្រភេទនេះ ជាពិសេសអាជីវកម្មទាក់ទងនឹងសេវាកម្ម ។

នៅក្នុងគោលការណ៍វាយតម្លៃពាណិជ្ជកម្មរបស់ក្រុមហ៊ុន Meta ផ្ទាល់ គេរុញពាណិជ្ជកម្មឲ្យដើរខ្លាំងដោយពឹងផ្អែកលើ ៣ ចំណុច គឺ Bidding + Action Rate + Ad Quality ។

ចំណុច ១ នៅក្នុង ៣ ពិន្ទុនេះ គឺ Ad Quality ដែលសម្តៅដល់មាតិកា (អាចជារូបភាពឬវីដេអូ) ។ បច្ចុប្បន្ននេះ មាតិកាល្អសម្រាប់ផ្សាយពាណិជ្ជកម្ម គឺវីដេអូខ្លីក្រោម ១ នាទី ដែលមាន ៣ ចំណុចបញ្ចូលគ្នាដើម្បីឲ្យប៊ូសផុសមានប្រសិទ្ធភាព ចំគោលដៅ ។

Video < 60s = Hook + Visual + Offer ។

2- បង្កើតគ្រឿងក្លែមបន្ថែមលើការលក់

អ្នកប៊ូសផុសភាគច្រើន គិតរបៀបអ្នកប៊ូសផុស មិនបានគិតរបៀបអ្នកលក់ទេ អញ្ចឹងហើយបានជាប៊ូសយូរទៅ បានតែលេខ តែអត់ឃើញលុយ ។

អ្នកលក់គេគិតពីរបៀប Offer ដែលអាចនិយាយបានថា ជារបស់ក្លែមបន្ថែមពីលើការលក់ ។ តិចនិក Offer មានច្រើន (សូមចេញអត្ថបទដាច់ដោយឡែកមួយទៀត) ។ 

ឥឡូវនេះសូមលើកឧទាហរណ៍ខ្លីៗ ៖ ប្រសិនបើអ្នកលក់ទូរស័ព្ទ 

• ទិញ iPhone 14 Pro Max មួយទឹក តម្លៃ $699 (តម្លៃលក់ធម្មតា $779) ។ នេះជាផ្សាយពាណិជ្ជកម្មលក់ ដោយប្រកួតប្រជែងលើតម្លៃ
• ទិញ iPhone 14 Pro Max ថ្ងៃនេះ ចំណេញ $80+$80 ភ្លាម (ចុះតម្លៃ $80 និងទទួលបានកូប៉ុង $80) ។ នេះហៅថា Offer
• ទិញ iPhone 14 Pro Max ថ្ងៃនេះ ថែមជូនឆ្នាំងសាក Original តម្លៃ $45 ជាមួយនឹង ការជួសជុលទូរស័ព្ទរយៈពេល  ១ ឆ្នាំដោយឥតគិតថ្លៃសេវា (គិតថ្លៃតែគ្រឿងបន្លាស់) ។ នេះហៅថា Offer

3- ដកលុយខ្លះចាយលើ Engagement

ប៊ូសអីក៏ដោយ ឲ្យតែអត់ Engagement គឺតឹងបន្តិចហើយ មិនខុសអីពី ហាងគុយតាមផ្លូវទៅខេត្តទេ ហាងណាមនុស្សច្រើន មនុស្សចូលកាន់តែច្រើនតាមគ្នា ។

ផ្សាយពាណិជ្ជកម្មលើបណ្តាញសង្គមគឺដូចគ្នា គ្រាន់តែ Admin ចង់ចែក Engagment នេះជា ៣ ផ្នែក ដើម្បីងាយស្រួលយល់​៖

• សម្រាប់អាជីវកម្មលក់អនឡាញតូចៗ គ្រាន់តែធ្វើសាមញ្ញប៉ុណ្ណឹង ដោយគ្រាន់តែប៊ូស Engagment មុនពេលប៊ូស Message ដើម្បីបាន Like, Share, Cmt ច្រើន
• សម្រាប់អ្នកលក់អនឡាញធំ គួរតែបង្កើត Engagment បែបធម្មជាតិ (Organic) បន្ថែមពីលើការប៊ូស ដូចជា Giveaway, Challenge យករង្វាន់, ឬធ្វើសាមញ្ញ ដោយគ្រាន់តែឲ្យគេ Cmt ដើម្បីឈ្នះរង្វាន់​។
• សម្រាប់ម្ចាស់អាជីវកម្មសម័យថ្មី ៖ គួរតែបន្ថែម Engagement មួយបែបទៀត តាមរយៈ ការបង្កើតមាតិកាកសាងប្រេនឌីង ដែលខ្ញុំលើកទឹកចិត្តឲ្យធ្វើវីដេអូខ្លីៗឲ្យបានច្រើន ជាវីដអូកម្សាន្ត ឬវីដេអូចំណេះដឹង ដូចដែលខ្ញុំកំពុងធ្វើ ។

អ្នកមិនចាំបាច់ធ្វើវីដេអូក្បាច់ក្បូរដូចខ្ញុំទេ មិនបាច់មានវេបសាយសរសេរអត្ថបទដូចខ្ញុំទេ គ្រាន់តែផុស Status លើហ្វេសប៊ុក ជាការស្រេច គ្រាន់តែថតវីដេអូតាមទូរស័ព្ទ ផុសចូល Facebook TikTok និង IG ជាកាស្រេច សំខាន់ប្រធានបទ ល្អ ទាក់ទាញ ឬប្រធានមិនទាក់ទាញ Like, Share ច្រើនក៏បានដែរ តែជាប្រធានបទដែលមានតម្លៃ ។

អញ្ចឹង ៣ ចំណុចនេះ និយាយស្រួល តែធ្វើពិបាក ត្រូវការកែទាំងបច្ចេកទេស និងយុទ្ធសាស្ត្រធ្វើទីផ្សារ ព្រមទាំងការលក់រួមគ្នា យ៉ាងហើយណាស់ក៏ចាយពេល ៣ ខែដែរដើម្បីទម្លាប់ជាមួយការងារទាំងអស់នេះ ។

ក្នុងនោះដែរ អ្នកមើលវីដេអូឬអានអត្ថបទខ្ញុំបែបនេះ តែងតែចាប់អារម្មណ៍សួរនាំ Admin រឿងវគ្គសិក្សា ។ ដោយសារតែវគ្គចាស់ 2024 បានបិទចុះឈ្មោះយូរដែរហើយ តែយ៉ាងណាឥឡូវនេះយើងមានវគ្គសិក្សាថ្មី 2025 Editing ផ្តោតលើ បច្ចេកទេសនិងយុទ្ធសាស្ត្រប៊ូសលើហ្វេសប៊ុកនិងតីកតុក បានចេញជាផ្លូវការ មានមេរៀនមួយចប់ រៀបចំរួចរាល់ ។

តម្លៃស្តង់ដាររបស់យើងគឺ $79 ក៏ប៉ុន្តែប្រសិនបើអ្នកបានអានអត្ថបទមួយនេះ Admin មានតម្លៃពិសេសជូន ត្រឹមតែ $59 ប៉ុណ្ណោះ (លើហ្វេសប៊ុកនិងតីកតុក ដាក់តម្លៃលើនេះ)។

ម្ចាស់អាជីវកម្មចូលរៀនវគ្គនេះ មិនមែនគ្រាន់តែទិញវីដេអូមេរៀនទេ កុំច្រឡំ នេះជាវគ្គសិក្សាអនឡាញ ដែលមានវីដេអូណែនាំខ្លីៗ មួយជំហានទៅមួយជំហាន ដោយមានជំនួយ (Support) ផ្ទាល់ពី Admin ក្នុងករណីមានចម្ងល់ ឬបញ្ហាផ្សេងៗ យើងមាន Support ៣ ខែពេញតែម្តង ។

ទាក់ទងចុះឈ្មោះតាម Telegram: @temsupport (t.me/temsupport)