កាលពីខែ មិនា ២០២៦ មុននេះ Facebook ទើបតែបញ្ចេញរបាយការណ៍ខ្នាតធំលើការបិទអាខោនប្រមាណ ២០ លានអាខោនកាលពីចុងឆ្នាំ ២០២៥ និងដើមឆ្នាំ ២០២៦ ក្រោមហេតុផលទប់ស្កាត់អាខោនក្លែងក្លាយ អាខោនស្កេម (ឆរបោកអនឡាញ) និងអ្នកកូពីមាតិកា Content Creator ល្បីៗយកមកផុសបន្ត ។

ក្នុងចំណោម ២០ លានអាខោននោះ មានហេតុផល ២ ចំណុចធំៗដែលហ្វេសប៊ុកចាប់ទ្រង់ទ្រាយធំតែម្តង ៖

1/ Impersonation: មានន័យថា បន្លំធ្វើអ្នកល្បី ចម្ងងមាតិកាគេយកមកផុសឡើងវិញ រួមទាំងកាត់យកវីដេអូរបស់គេមកប្រើក្នុងវីដេអូរបស់អ្នកផងដែរ សូម្បីតែប្រើរូបភាពនិងវីដេអូប្រភេទ Stock Footage ក៏ជាប់ក្នុងគោលការណ៍នេះដែរ ។

2/ AI & Spam Account: ប្រភេទគណនីដែលគ្មានមុខមនុស្ស ប្រើ AI សុទ្ធ រួមជាមួយនឹងអាខោនដែលធ្វើសកម្មខុសប្រក្រតី ដូចជា ឆាតផ្ញើលីងឲ្យគេផ្តេសផ្តាស គណនីដែល Share មាតិកាចម្រុះ ផុសខុសគោលការណ៍ជាដើម ។

នៅក្រោមហេតុផល ២ នេះ អ្នកដែលផលិតមាតិកាធ្វើទីផ្សារ ឬប៊ូសលក់អនឡាញ ច្បាស់ជាប៉ះពាល់លើផេក និងអាខោនផ្ទាល់ខ្លួនផងដែរ ។

1/ Suspended Page: ដែលកាលពីខែមុននេះ ផេកនិងអាខោននៅស្រុកខ្មែរយើង ជួបបញ្ហានេះច្រើន ដោយសារ Facebook ប្រើ AI System ដើរចាប់ចល័ត អញ្ចឹងអាខោននិងផេកមួយចំនួន ដែលគ្មានធ្វើខុសអីសោះ ឬខុសតិចតួច ក៏ត្រូវជាប់ទៅក្នុងបញ្ជីខ្មៅផងដែរ ។

2/ បាត់ចំនួនអ្នក Follower ខ្លះ និង Boost តឹងជាងមុន: ដោយហេតុថា អាខោនដែលហ្វេសប៊ុករាប់ចូលជាប្រភេទ Spam Account នោះមិនចាំបាច់ទាល់តែធ្វើសកម្មភាពខុសប្រក្រតីទេ តែវាដោយទៅទាំងអាខោនដែលចូលចិត្ត Share ច្រើន និងអាខោនដែលបង្កើតឲ្យតែបានៗ ដូចជាអាខោនមនុស្សចាស់ អ្នកអត់សូវចេះប្រើបច្ចេកវិទ្យា (អាខោនបែបនេះ មានអ្នកប្រើនៅស្រុកខ្មែរយើងច្រើនណាស់ ដោយសារប្រជាជនយើងមិនសូវដឹងគោលការណ៍ប្រើបណ្តាញសង្គមទេ) ។

នេះជាចំណុចសំខាន់ដែលអ្នកផុសមាតិកាក្នុងផេក និងអ្នកប៊ូសផុសត្រូវប្រយ័ត្ន៖

1/ តំណាងចែកចាយ៖ ប្រសិនបើយកវីដេអូពីម្ចាស់ប្រេន មកផុសជាន់គ្នា អ្នកអាចនឹងមានបញ្ហា Suspended Page ក្រោមហេតុផល Impersonation

2/ អាខោន Admin៖ ហាម Share មាតិកាចម្រុះ និងគ្មានប្រភពច្បាស់លាស់ចូលទៅក្នុង Profile ដោយសារតែហ្វេសប៊ុកនឹងចាប់ទៅលើគោលការណ៍ Spam

3/ ជៀសវាងកាត់វីដេអូអ្នកផ្សេងមកប្រើក្នុងផេកច្រើនពេក ទោះបីវីដេអូនោះលាយបញ្ចូលគ្នាជាមួយវីដេអូ Original របស់យើងក៏ដោយ

4/ Boost ពេលនេះ មានបញ្ហា Ad Reject ច្រើនជាងពេលមុនៗ ទៅលើបញ្ហា មាតិកាខុសគោលការណ៍ ជាពិសេសផលិតផលជាប់ប្រេនល្បីៗ (Admin លក់ផលិតខ្លួនឯងផ្ទាល់ Boost ខ្លួនឯងផ្ទាល់ ឃើញថាជាប់ Reject រាល់ថ្ងៃតែម្តង ឲ្យតែផលិតផលល្បីៗ តែបើប្រភេទទូរស័ព្ទនិងរថយន្ត អត់់មានបញ្ហាជាប់ប្រេនទេ) ។ ដូចច្នោះ ពេលធ្វើមាតិកា Boost លក់ សូមកាត់បន្ថយនិយាយពីប្រេន និងសរសេរ Caption ដែលជាប់ឈ្មោះប្រេនល្បីៗ ជាពិសេសវិស័យ Fashion ។

5/ Boost ឥឡូវនេះ អាចតឹងបន្តិចនៅពេល Setup Boost ថ្មី : ប្រសិនបើជួបបញ្ហាទាំងអស់នេះ អ្នកអាចទុកឲ្យ Boost ដើរតាមសម្រួល ។ ស្របពេលគ្នានេះ អ្នកត្រូវបើក Campaign ចាស់ៗដែលធ្លាប់ដើរល្អ ឲ្យវាដើរម្តងទៀត ដើម្បីជួយដោះទ័លមួយគ្រា ទម្រាំ Boost Campaign ថ្មីដើរស្រួលវិញ ។

អញ្ចឹងទាក់ទងនឹងបញ្ហាដែល Facebook បិទអាខោននេះ មិនមែនជារឿងថ្មីទេ គ្រាន់តែម្តងនេះគេបិទទ្រង់ទ្រាយធំ ហើយបន្តបិទអាខោនដល់សព្វថ្ងៃនេះ ខណៈដែលពេលនេះហ្វេសប៊ុកកំពុងប្តូរគោលការណ៍ថ្មី មកលើកកម្ពស់ Original Content ។

ដូច្នោះ ការធ្វើទីផ្សារលើហ្វេសប៊ុកនាពេលខាងមុខនេះ នឹងត្រូវប្រកួតប្រជែងគ្នាខ្លាំងលើ Content Marketing ជាជាងបច្ចេកទេសនៃការ Boost សុទ្ធសាធ ។

ជាចុងក្រោយ ដូចដែលសព្វមួយដង Admin តែងតែមានវគ្គសិក្សាសម្រាប់ម្ចាស់អាជីវកម្ម​ ចង់សិក្សាបន្ថែមលើ ៤ ជំនាញធំៗដូចជា ៖

• យុទ្ធសាស្ត្រផលិតមាតិកាធ្វើទីផ្សារ និងកសាងប្រេនឌីង
• តិចនិកសរសេរអត្ថបជម្រុញការលក់ Copywriting
• បច្ចេកទេស Boost Facebook
• បច្ចេកទេស Boost TikTok

ម្ចាស់អាជីវកម្មអាចចូលរៀនក្នុងវគ្គសិក្សា 2+2 បាន ។