ធ្វើវីដេអូសម្រាប់ Boost លក់នាពេលបច្ចុប្បន្ននេះ ត្រូវការវីដេអូគុណភាពល្អ តែមិនត្រូវការថតចេញពីកាមេរ៉ាថ្លៃទេ ត្រឹមតែស្មាតហ្វូនមួយគឺគ្រប់គ្រាន់ក្នុងការផលិតវីដេអូទាញចំណាប់អារម្មណ៍ ។

អ្វីដែលសំខាន់ជាងឧបករណ៍គឺ យុទ្ធសាស្ត្រក្នុងការផលិតមាតិកាទាញចំណាប់អារម្មណ៍អតិថិជនគោលដៅ ។

នេះជា ៣ ក្បាច់ក្នុងការផលិតវីដេអូយកទៅ Boost លក់ទាក់ទាញចំណាប់អារម្មណ៍ ដែលចេញពីបទពិសោធន៍ដែល Admin បានធ្វើក្នុងវិស័យនេះ ៨ ឆ្នាំ ក្នុងចំណោមប្រភេទអាជីវកម្មផ្សេងៗគ្នា ។

ក្បាច់ទី ១ ៖ គោលការណ៍ ៣ វិនាទី

សម័យកាល Attention Economy នេះ មនុស្សមានពេលតិចតួចបំផុតក្នុងការចំណាយមើលវីដេអូរបស់យើង ព្រោះគេមានមាតិការពាន់រាប់ម៉ឺនមាតិកាទៀតដែលត្រូវមើលក្នុង News Feed Facebook & TikTok ។

គោលការណ៍មាសមិនដែលផ្លាស់ប្តូរក្នុង Copywriting ដើម្បីទាញអារម្មណ៍អតិថិជនគោលដៅគឺ “និយាយចាក់ចំបញ្ហាក្នុងរយៈពេល ៣ វិនាទីដំបូង” ។

គេនិយាយថា “មនុស្សខ្វាយខ្វល់តែជាមួយបញ្ហាខ្លួនឯងប៉ុណ្ណោះ” ។ បញ្ហាគ្រួសារអ្នកណាឈ្នះគ្នា គេគ្រាន់តែចង់តាមដានដើម្បីកម្សាន្តអារម្មណ៍ប៉ុណ្ណោះ តែបើបញ្ហាហ្នឹងប៉ះចំជាមួយគេដែរ​ច្បាស់ណាស់ ម្នាក់នោះនឹងតាមមើលវីដេអូដល់ចប់​ ។

ប្រសិនបើអ្នកលក់សាប៊ូកក់សក់ កុំនិយាយមុខងារម្តង ១០ មុខរបស់សាប៊ូកក់សក់ ។ លើកយកតែមួយចំណុចរសើបបំផុតមកនិយាយឲ្យចំបញ្ហារបស់អតិថិជនគោលដៅក្នុងរយៈពេល ៣ វិនាទីដំបូង ។

តែឈប់សិន…

ចុះបើផលិតផលខ្លះ គ្មានដោះស្រាយបញ្ហាអ្វីផង គិតយ៉ាងម៉េច?

មនុស្សកំពុងមានបញ្ហា មានន័យថាគេ “ទិញតម្រូវការ”

តែមនុស្សអត់មានបញ្ហា មានន័យថាគេ “ទិញចំណង់” 

ស្បែកជើងស្រស់ស្អាតមួយគូកំពុង Trending លើហ្វេសប៊ុក និងតីកតុក វាដោះស្រាយបញ្ហា ១% ប៉ុណ្ណោះ (ពាក់ទ្រាប់ជើង) តែវាធ្វើឲ្យមនុស្សមានចំណង់ ៩៩% ។

អញ្ចឹង ៣ វិនាទីដំបូងនេះ គួរតែបង្ហាញ Visual ធ្វើម៉េចឲ្យមនុស្សស្រម៉ៃឃើញថា ប្រើរបស់នេះហើយគឺ ឡូយ ហាយសូ ទំនង អារម្មណ៍ពិសេស តាមទាន់គេ ថ្លៃថ្នូរ លើមុខមាត់ សប្បាយចិត្ត ក្តីសុខ …

ក្បាច់ទី ២ ៖ អេះឲ្យចំចំណុចរមាស់

មុននេះយើងនិយាយពីចំណុចរសើប ចំណុចរមាស់ អញ្ចឹងនៅក្នុងវីដេអូ គឺយើងត្រូវអេះឲ្យចំកន្លែងរមាស់របស់អតិថិជនគោលដៅ ។

ពេលខ្លះអ្នកមិនចាំបាច់ពូកែជំនាញ Copywriting (សរសេរអត្ថបជម្រុញការលក់) ក្បាច់ក្បូរដូច Admin ទេ គ្រាន់តែអ្នកចេះបង្ហាញដំណោះស្រាយក្នុងវីដេអូឲ្យចំចំណុចរមាស់របស់គេ ក៏មានអតិថិជនគោលដៅរត់មករកអ្នកដែរ​។

អ្នកគ្រាន់តែធ្វើវីដេអូ និយាយថា “អ្នកកើតអង្គែររមាស់ហុយចុកពេញក្បាលដូចផ្លូវនៅក្រុងបាត់ដំបង សាប៊ូមួយនេះមានសារធាតុពិសេសមួយដែលជួយព្យាបាលស្បែកក្បាលអ្នកបាន ដោយមិនបាច់កក់សក់រាល់ថ្ងៃ” ។

នេះជារូបមន្ត Copywriting នៅក្នុងវគ្គសិក្សា ២០២៦ របស់យើង ដែលមិនចេះផ្លាស់ប្តូរ យកទៅប្រើ ១០ ឆ្នាំទៀតក៏បានដែរ PSP ។

Problem – Solution – Proof

បញ្ហា – ដំណោះស្រាយ – អំណះអំណាង

ក្បាច់ទី ៣ ៖ ថែមល្បោយឲ្យអតិថិជនចង់ទិញ

“OFFER” ជាយុទ្ធសាស្ត្រចាស់ តែត្រូវបានបង្កើតថ្មីបន្ថែមល្បោយឲ្យទៅ Copywriting កាន់តែមានជាតិ ធ្វើឲ្យអ្នកទិញកាន់តែចាប់អារម្មណ៍វីដេអូលក់របស់អ្នក ។

ប្រសិនបើអ្នកចេះប្រើរូបមន្ត OFFER ថ្មី ៤ ចំណុចនេះ មានន័យថា វីដេអូរបស់អ្នកយកទៅ Boost មានអត្រាជោគជ័យលើការលក់ច្រើន ។

គោលដៅរយៈពេលវែង + លទ្ធផលរយៈពេលខ្លី

ចំណាយពេលតិច + ប្រើកម្លាំងតិច

រូបមន្តដើមពី OFFER នេះ Admin ក៏រៀនពីគ្រូធំនៅអាមេរិកដែរ គឺ Alex Hormozi គ្រាន់តែ Admin យកមកសម្រួលឲ្យងាយស្រួលប្រើតម្រូវតាមបរិបថទីផ្សារស្រុកខ្មែរ​​ ។

យុទ្ធសាស្ត្រតូចៗទាំងអស់នេះជាគ្រោងឆ្អឹងនៅក្នុងវគ្គសិក្សា 2+2 “Master Social Media Marketing” 2026 Edition ដែលពេលនេះបានសម្ភោធជាផ្លូវការហើយ ។

ម្ចាស់អាជីវកម្មអាចសិក្សា ៤ ជំនាញក្នុងវគ្គសិក្សា Master Course របស់យើង រួមមាន ៖ Content Marketing + Copywriting + Personal Branding + Boosting (Facebook & Tikok) ។