ការប្រើប្រាស់ AI នៅក្នុងការងារប្រចាំថ្ងៃ ឬការរកស៊ីបានក្លាយជា រឿងដែលមិនអាចខ្វះបាន ប៉ុន្តែបញ្ហាប្រឈមធំបំផុតសម្រាប់មនុស្សភាគច្រើន គឺការសរសេរ Prompt ឬបញ្ជាទៅកាន់ AI មិនដឹងថាត្រូវសរសេររបៀបណាទើបទទួលបានលទ្ធផលចំគោលដៅ។ បើសិនជាអ្នកកំពុងជួបបញ្ហានេះ ថែម Prompt តែ១ បន្ទាត់នេះចូល ដឹងតែជួយដោះស្រាយបញ្ហារបស់អ្នកភ្លាមៗ។

ជំហានទី ១ ៖ ប្រាប់ AI ពីគោលបំណងច្បាស់លាស់

មុននឹងចាប់ផ្តើមការងារ អ្នកត្រូវកំណត់គោលដៅឱ្យបានច្បាស់លាស់ជាមុនសិនថា តើអ្នកចង់ឱ្យ AI ជួយធ្វើអ្វីឱ្យប្រាកដ។ ការប្រាប់ពីគោលបំណងចំៗ ជួយឱ្យ AI ដើរតួនាទីបានត្រឹមត្រូវទៅតាមបរិបទការងារឬអាជីវកម្មរបស់អ្នក។

Prompt គម្រូ៖

“Suggest content ideas for my business selling cupcake online (On Instagram & TikTok)”

ជំហានទី ២៖ ឱ្យ AI សួរសំណួរ ឬសម្ភាសន៍យើងវិញ

នេះជាចំណុចគន្លឹះ និងជា Prompt សំខាន់បំផុតដែលអ្នកត្រូវបន្ថែម។ ជាទូទៅ ប្រសិនបើអ្នកផ្តល់ព័ត៌មានទៅ AI តិចពេក វានឹងបង្កើតលទ្ធផលបែបស្មានៗ ឬទូទៅពេក មិនចំគោលបំណងដែលអ្នកចង់បានទេ ។ ដូច្នេះ អ្នកត្រូវបញ្ជាឱ្យ AI សម្ភាសន៍ឬសួរសំណួរអ្នក ដើម្បីប្រមូលទិន្នន័យបន្ថែម។

Prompt សំខាន់ដែលត្រូវដាក់៖

“Before we start, you need to ask me common questions. So you get more context from my business.”

ការបូកបញ្ចូលគ្នារវាង ជំហានទី ១ និង ជំហានទី ២៖

នៅពេលអ្នកយកជំហានទាំងពីរនេះមកបញ្ចូលគ្នា អ្នកនឹងទទួលបាន Prompt បែបសាច់ការមួយ ដូចខាងក្រោម ដូចអ្នកជំនាញសរសេរ Prompt អញ្ចឹង ៖

“Suggest content ideas for my business selling cupcake online (On Instagram & TikTok). Before we start, you need to ask me common questions. So you get more context from my business.”

នៅក្នុងជំហានទី ២ នេះ បន្ទាប់ពី AI សួរសំណួរមកកាន់អ្នក អ្នកទាំងអស់គ្នាត្រូវឆ្លើយតបទៅនឹងសំណួរទាំងនោះម្តងមួយសំណួរៗ ដោយការឆ្លើយខ្លីៗ និងចំៗ។ ការធ្វើបែបនេះ គឺដើម្បីផ្តល់ព័ត៌មានសំខាន់ៗ ទៅឱ្យ AI ធ្វើការសិក្សាលម្អិត និងស្វែងយល់ពីអាជីវកម្មរបស់អ្នកកាន់តែច្បាស់ មុននឹងវាបង្កើតគំនិតមាតិកាឱ្យ។

ជំហានទី ៣៖ ការកែតម្រូវលទ្ធផលឱ្យកាន់តែល្អ (Refine)

បន្ទាប់ពីទទួលបានគំនិត និងព័ត៌មានពី AI ហើយ អ្នកអាចធ្វើការកែតម្រូវ ឬប្រាប់ AI ពីចំណុចណាដែលយើងមិនត្រូវការ ឬគិតថាមិនត្រឹមត្រូវតាមចិត្តយើងចង់បាន ។

Prompt គម្រូសម្រាប់ការកែតម្រូវ៖

“Refine: Since I only create content with a smartphone. You need to suggest simple content concept where I can do it with a smartphone’s camera and edit in Capcut.”

ការធ្វើការជាមួយ AI ឱ្យមានប្រសិទ្ធភាព មិនមែនស្ថិតនៅលើការសរសេរវែងអន្លាយនោះទេ ប៉ុន្តែវាស្ថិតនៅលើការពន្យល់ AI ឲ្យយល់ពីអ្វីដែលយើងចង់បាន។ តាមរយៈការអនុវត្តតាមទាំង ៣ ជំហាននេះ ចាប់ពីការប្រាប់គោលបំណង ការឱ្យ AI សម្ភាសន៍ រហូតដល់ការកែតម្រូវលទ្ធផល អ្នកនឹងអាចបង្កើតលទ្ធផលការងារ ឬគំនិតល្អៗដែលចំគោលដៅ ១០០% សម្រាប់អាជីវកម្មរបស់អ្នក។

Follow Think E-Marketing ដើម្បីទទួលបាននូវចំណេះដឹង បច្ចេកវិទ្យា និងគន្លឹះទីផ្សារឌីជីថលថ្មីៗផ្សេងទៀតប្រចាំថ្ងៃ!